Лінкі ўнівэрсальнага доступу

Беларускае Міністэрства інфармацыі 13 лютага выключыла са сьпісу «дазволеных» замежных сродкаў масавай інфармацыі брытанскі тэлеканал Nautical Channel, прысьвечаны водным відам спорту. І такі лёс можа чакаць яшчэ два дзясяткі тэлеканалаў.

У Nautical Channel, паводле Мінінфарму, скончыўся дазвол на распаўсюд у Беларусі — ніводны апэратар электрасувязі не зьвярнуўся па працяг дазволу. Цяпер распаўсюджаньне тэлепраграмы «зьяўляецца недапушчальным».

Ці можна зьвяртацца па дазвол на Nautical Channel пасьля 13 лютага і ці можна распаўсюджваць перадачы каналу «нетэлевізійнымі» шляхамі (праз інтэрнэт), Мінінфарм не ўдакладняе.

Такі дазвол у сакавіку можа скончыцца яшчэ ў двух дзясяткаў замежных тэлеканалаў: FOX, Fox Life, HDFashion, MTV, MTV Dance, MTV Hits, MTV Live HD, MTV Rocks, Nick Jr., Nickelodeon, Nickelodeon HD, Paramount Channel, Paramount Comedy, VH1 European, VH1 Classic, ​Viasat Explorer, Viasat Nature, ​Viasat Sport, «НТВ Плюс 3D», «ТВ 1000-Экшн», «Улыбка ребенка», «Да Винчи» і «Фест-ТВ». Нехта з апэратараў мае зьвярнуцца ў міністэрства па працяг дазволу за 15 дзён да заканчэньня яго дзеяньня дазволу.

У сьпісе дазволеных замежных тэлеканалаў дамінуюць расейскія і расейскамоўныя. Там няма ўкраінскіх, польскіх, літоўскіх і латвійскіх каналаў. Таксама ў сьпісе няма «Белсату» — створанага ў Польшчы тэлеканалу, які фактычна ёсьць адзіным у сьвеце беларускамоўным.

«Белсат», які не пускаюць у беларускія кабэльныя сеткі (нібыта праз «дастатковую колькасьць беларускамоўнага кантэнту» на дзяржаўным ТВ), можна паглядзець у HD у інтэрнэце або праз спадарожнік.

Ваша меркаваньне

Паказаць камэнтары

XS
SM
MD
LG