Расейская арганізацыя «Национально-освободительное движение» (НОД) правяла аўтапрабег па Гомлі, аналягічны таму, што 19 верасьня праводзіла ў Менску, перадае гомельскі сайт «Сильные новости».
Калёну з «георгіеўскімі стужкамі» і партрэтамі Пуціна заўважылі ў цэнтры гораду блогеры канала «Роторная жатка». Як і Менск, Гомель ня значыцца ў маршруце прабегу на сайце НОД.
У суполках НОД не публікаваліся фота з цэнтру гораду, але публікаваліся — з-пад Гомлі.
Ці ўзгаднялася правядзеньне аўтапрабегу з гомельскімі ўладамі, невядома. У Менгарвыканкаме і менскай міліцыі пакуль нічога не казалі пра акцыю НОД у цэнтры сталіцы.
Рух НОД актыўна падтрымлівае Пуціна, анэксію Крыму, прарасейскіх сэпаратыстаў у збройным канфлікце на Данбасе.