Лінкі ўнівэрсальнага доступу

Экс-кіраўніцу Нацыянальнага банку працаўладкавалі ў «БСБ Банк» — будзе змагацца з рызыкамі


Надзея Ермакова, архіўнае фота
Надзея Ермакова, архіўнае фота

4 жніўня адбыўся агульны сход акцыянэраў ЗАТ «БСБ Банк», падчас якога прынятыя кадравыя рашэньні. Як паведамляе банкаўскі сайт, старшынём праўленьня «БСБ Банк» прызначаны Сяргей Дубкоў, а кіраўніцай камітэту па рызыках — Надзея Ермакова.

Абодва прызначэнцы — колішнія кіраўнікі Нацыянальнага банку. Сяргей Дубкоў перайшоў на новую пасаду зь «Белінвэстбанку», а дагэтуль цягам больш за паўтара дзясятка гадоў працаваў у Нацыянальным банку, у тым ліку намесьнікам старшыні праўленьня.

Надзея Ермакова ў 2011 годзе была прызначана кіраўніцай Нацбанку і ўзначальвала яго да канца 2014-га. Датуль 15 гадоў працавала ў сыстэме «Беларусбанку», апошнім часам узначальвала назіральную раду «Банку БелВЭБ».

Сёлета ў чэрвені Нацыянальны банк адклікаў у «БСБ Банку» ліцэнзію на працу з дэпазытамі фізычных асобаў. Рашэньне прынятае «з улікам выяўленых падчас праверкі парушэньняў і недахопаў у дзейнасьці ўстановы». Неўзабаве пасьля гэтага трымальнікі зьнялі з рахункаў больш за 55 мільёнаў рублёў.

Незалежныя аўдытары папярэдзілі пра рызыку далейшага адтоку сродкаў з банку, уключна зь юрыдычнымі асобамі ды індывідуальнымі прадпрымальнікамі. Неўзабаве пасьля гэтага былі прынятыя кадравыя рашэньні.

Паводле зьвестак на 1 ліпеня, «БСБ Банк» займаў 17-е месца ў банкаўскай сыстэме Беларусі паводле аб’ёму актываў: нарматыўны капітал перавышаў 56 мільёнаў рублёў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG