Лінкі ўнівэрсальнага доступу

Беларусь закрые генконсульствы ў Адэсе, Гданьску і Міляне, ужо скараціла на траціну цэнтральны апарат МЗС


Міністэрства замежных спраў Беларусі, архіўнае фота

Аляксандар Лукашэнка 18 студзеня абмеркаваў аптымізацыю Міністэрства замежных справаў зь міністрам Уладзімерам Макеем. Як перадае БЕЛТА, цэнтральны апарат МЗС скарочаны на траціну, а замежныя ўстановы — на 15%.

Закрытыя будуць генэральныя консульствы ў Адэсе (Украіна), Гданьску (Польшча) і Міляне (Італія), рыхтуюцца рашэньні спыніць працу яшчэ двух генконсульстваў. Але адкрыць зьбіраюцца новыя амбасады «ў адной з краінаў Афрыкі і ў Эўропе». У выніку скарачэньняў у Беларусі застанецца 66 замежных установаў у 56 краінах.

Паводле Ўладзімера Макея, была пастаўленая задача «працаваць ня колькасьцю, а ўменьнем», ад скарачэньня цэнтральнага апарату эфэктыўнасьць працы ня зьнізіцца. Большая ўвага ў працы МЗС будзе ўдзяляцца тым краінам, узаемадзеяньне зь якімі «прыносіць большую аддачу». Пры гэтым Аляксандар Лукашэнка казаў, што ў аптымізацыі МЗС «ёсьць нейкія нестыкоўкі, няўзгодненасьці».

Лукашэнка падкрэсьліваў на сустрэчы, што ў працы МЗС яго перадусім цікавіць тэма замежнаэканамічнай дзейнасьці. Макей расказаў яму, што рост экспарту на 23% адбыўся пераважна за кошт росту цэнаў (толькі на траціну з таго за кошт фізычнага росту экспарту), а ў дывэрсыфікацыі экспарту «зрухі таксама ёсьць, але наперадзе яшчэ шмат працы».

Ваша меркаваньне

Паказаць камэнтары

XS
SM
MD
LG