Лінкі ўнівэрсальнага доступу

Ярмошына: «Карусэлі на мясцовых выбарах — гэта трызьненьне»


Лідзія Ярмошына, ілюстрацыйнае фота

Старшыня ЦВК Лідзія Ярмошына заявіла 18 лютага, што зьвесткі пра магчымасьць аднаму чалавеку прагаласаваць адразу на некалькіх выбарчых участках хлусьлівыя, піша БЕЛТА.

Ці зьвязаная заява Лідзіі Ярмошынай з «кодам 000-179», невядома. Ярмошына апісвае нейкае відэа, дзе мужчына галасуе на двух участках:

«У адным месцы ён прад’явіў дамову аб найме жылога памяшканьня. А ў другім склаў сьлязьлівую казку пра тое, што ён бедны студэнт, які страціў усе дакумэнты, альбо іх мама захоўвае. І чульлівыя настаўнікі, якія сядзяць у выбарчай камісіі, дазволілі яму прагаласаваць».

Паводле Ярмошынай, менавіта гэтае відэа стала нагодай для заяваў пра «карусэлі» на выбарах. Яна сьцьвярджае, што «адразу можна сказаць, што гэта трызьненьне» і што гэтае здарэньне — «наіўнасьць, глупства, подласьць і шчырая правакацыя» з боку аўтара відэа.

Раней у сеціве шырока абмяркоўваліся чуткі аб тым, што калі ў пашпарце пад пячаткай аб месцы рэгістрацыі алоўкам падпісаць «000-179», то камісіі дазволяць галасаваць аднаму і таму ж чалавеку галасаваць некалькі раз на розных участках. Актывіст грамадзкага руху «Дзея»​ Дзяніс Краўчук вырашыў праверыць чуткі — код сапраўды «спрацаваў». Але на ягоным відэа не чуваць згаданых Ярмошынай «казак».

Усё пра выбары, жывы блог >>

Ваша меркаваньне

Паказаць камэнтары

XS
SM
MD
LG