Кіраўнік Беларусі Аляксандар Лукашэнка падпісаў 27 ліпеня ўказ № 259, які адмяняе ахоўную зону Палескага дзяржаўнага радыяцыйна-экалягічнага запаведніку.
Указам скасоўваюцца межы, плошча і склад зямель ахоўнай зоны.
Цяпер землекарыстальнікі без абмежаваньняў могуць уключыць зямельныя надзелы, якія ўваходзілі ў ахоўную зону, у гаспадарчы абарот.
Паводле інфармацыі Савету міністраў, указ будзе спрыяць гаспадарчай дзейнасьці каля межаў запаведніку, паведамляе БелТА.
Знакі радыяцыйнай небясьпекі перанясуць на тэрыторыю непасрэдна ў межах запаведніку.
Аляксандар Лукашэнка наведаў 16 чэрвеня Палескі дзяржаўны радыяцыйна-экалягічны запаведнік у Хойніцкім раёне Гомельскай вобласьці. Ён даручыў падрыхтаваць указ аб зьмене межаў запаведніку.
Ён паведаміў, што пабудаваў драўляны дом на Прыпяці.
