Кіраўнік Беларусі параіў рыхтавацца да Калядаў і Новага году.
«Вы не перажывайце: што б ні здарылася ў нашай краіне, нават калі найгоршы сцэнар будзе — мы ўсё адно роўна за паўгоду стабілізуемся, дзякуючы жорсткай сыстэме вэртыкалі ўлады, жорсткім патрабаваньням...
І калі, крый божа, сытуацыя недзе скалыхнецца, мы імгненна ўключым усе рычагі і стабілізуемся. Мы ўсё адно зь любой сытуацыі выкараскаемся, таму што мы ўжо ня тыя, што былі дзясятак, а, можа, і два дзясяткі гадоў таму...
Ня трэба ахаць, охаць, трэба рыхтавацца да Новага году і Раства», — прыводзіць словы Аляксандра Лукашэнкі БЕЛТА.
18 сьнежня Аляксандар Лукашэнка заявіў, што Беларусь не зьбіраецца праводзіць дэвальвацыю.
19 сьнежня Нацбанк увёў 30%-ны збор пры пакупцы валюты. Фактычны курс даляра цяпер роўны 14 150 рублям, эўра — 17 400 рублёў. Столькі давядзецца заплаціць, калі валюту купляеш у банку. Здаць даляр можна па ранейшым курсе — 11 900.
Сума збору ідзе ў бюджэт.
