Ня меней за 30 чалавек загінулі ў выніку пажару, які ў ноч на сераду здарыўся ў шматпавярховым жылым доме ў Лёндане. Такія абноўленыя лічбы паведамілі ў мясцовай паліцыі.
Пры гэтым паліцэйскае кіраўніцтва не разглядае падпал у якасьці асноўнай прычыны ўзгараньня, хоць па-ранейшаму адпрацоўваюцца ўсе вэрсіі.
Між тым ёсьць засьцярогі, што канчатковая колькасьць ахвяраў можа быць шмат большай і нават перавысіць 100 чалавек – больш за 70 асобаў дагэтуль лічацца зьніклымі бязь вестак, няма інфармацыі пра цэлыя сем’і.
Цяпер на месцы надзвычайнага здарэньня вядуцца працы дзеля пошукаў целаў, якія застаюцца пад заваламі будынка.