ВІДЭА: Мітынг прадпрымальнікаў у Менску

Індывідуальныя прадпрымальнікі зноў зьбіраюцца на несанкцыянаваны мітынг на Кастрычніцкай плошчы Менску сёньня, 22 лютага. Пачатак а 12-й гадзіне. Цяпер яны патрабуюць ня толькі скасаваньня ўказу №222: некаторыя патрабуюць адстаўкі ўраду, у тым ліку прэм’ера Кабякова, міністра эканомікі Зіноўева і міністра па падатках і зборах Налівайкі, , якія "цьвёрда адстойваюць указ №222".

На мітынг наўрад ці выйдуць прадстаўнікі ўладаў — прынамсі, яны не выходзілі да народу на мітынг тыдзень таму, не анансавалі і ўдзел у сёньняшнім. Але таксама на мітынг ня пойдзе старшыня грамадзкага аб’яднаньня "Пэрспэктыва" Анатоль Шумчанка. Ён тлумачыў гэта тым, што яго пры першай нагодзе кінуць за краты.

«Рана ці позна ўлады мяне ўсё роўна пасадзяць, але гэта ня значыць, што туды трэба імкнуцца ўсімі сіламі!», — пісаў Шумчанка пра свой удзел у перамовах з уладамі і няўдзел у мітынгу.

Статкевіч прапануе пайсьці да пачатку мітынгу да Адміністрацыі Лукашэнкі, Лябедзька дае карысную параду: браць тэрмасы, бо халодна.

Улады кажуць, прадпрымальнікі ўсё больш выходзяць на працу, незважаючы на ўказ №222. А фоты з рынкаў па ўсёй краіне кажуць крыху пра іншае.

Дарэчы, нашую трансьляцыю, калі вам зручна, можаце глядзець і на Facebook:

Некалькі дзясяткаў чалавек стаяць каля выхаду з мэтро — магчыма, гэта тыя нешматлікія, хто ўжо прыйшоў на мітынг. Пакуль надвор’е і сытуацыя на дарогах не спрыяюць мітынгоўцам.