Лінкі ўнівэрсальнага доступу

Натальля Качанава прызначаная кіраўніцай адміністрацыі Лукашэнкі


Натальля Качанава, архіўнае фота

Яе першым намесьнікам – Максім Рыжанкоў. Адпаведныя кадравыя рашэньні 21 сьнежня ўхваліў Аляксандр Лукашэнка, перадае БЕЛТА.

Паводле Канстытуцыі адміністрацыя забясьпечвае дзейнасьць прэзыдэнта Беларусі і кантроль за выкананьнем яго рашэньняў.

Натальля Качанава 7 гадоў была мэрам Наваполацку, а з 27 сьнежня 2014 года працавала намесьніцай прэм’ер-міністра па сацыяльных пытаньнях.

У лютым 2016 году Качанава казала пра заробак у 60 даляраў на месяц як пра прымальны для маладога трэнэра, праз два месяцы — што сярэднія заробкі настаўнікаў у 280 даляраў гэта «нядрэнны ўзровень», а калі «настаўнік працуе і мае адпаведную катэгорыю, яшчэ хоча займацца гуртковай працай», то можа атрымліваць і «па пяцьсот».

«Несумненная» Качанава

Землякі Натальлі Качанавай былі ўражаныя яе «узьлётам», але адзначаюць, што кар’ерны рывок у лёсе Натальлі Качанавай – не адзінкавы.

Максім Рыжанкоў быў абраны віцэ-прэзыдэнтам Нацыянальнага алімпійскага камітэту ў канцы сьнежня 2014 году, з 2012-га быў памочнікам Лукашэнкі ў пытаньнях фізычнай культуры, спорту і турызму. Да таго ад 2006 году быў начальнікам упраўленьня зьнешняй палітыкі адміністрацыі Лукашэнкі.

5 сьнежня Аляксандр Косінец і Канстанцін Мартынецкі былі вызваленыя ад пасадаў кіраўніка адміністрацыі прэзыдэнта і першага намесьніка кіраўніка адміністрацыі прэзыдэнта «ў сувязі зь пераходам на іншую працу».

Глядзець камэнтары (6)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG