Лінкі ўнівэрсальнага доступу

Закалоты ў Кіеве. Сутычкі паміж міліцыяй і ўдзельнікамі Эўрамайдану (УЖЫВУЮ)

абноўлена

На вуліцы Грушэўскага, якая перакрытая кардонам унутраных войскаў, адбыліся сутычкі паміж міліцыяй і мітынгоўцамі. Ужыты сьлезацечны газ, сьвятла-шумавыя гранаты і іншыя спэцсродкі. Арганізатары Эўрамайдану чакаюць штурму. Міліцыя падагнала ў цэнтар Кіева вадамёты і спэцтэхніку.


Коратка

ЖЫВАЯ ВІДЭАТРАНСЬЛЯЦЫЯ


21:11 20.1.2014

Януковіч заклікаў да кампрамісу


Пасьля падзеяў 19-20 студзеня, падчас якіх пацярпелі сотні чалавек, прэзыдэнт Віктар Януковіч зьвярнуўся да ўкраінскага народу.

Прэзыдэнт Украіны Віктар Януковіч заклікае жыхароў Кіева і іншых удзельнікаў масавых акцый не паддавацца на заклікі да гвалту:

«Прашу вас не ісьці за тымі, хто заклікае да гвалту, хто прагне справакаваць раскол паміж дзяржавай і грамадзтвам і хоча ўкінуць украінскі народ у горан масавых беспарадкаў».

Януковіч заявіў, што з разуменьнем ставіцца да ўдзелу грамадзян у масавых акцыях і пацьвярджае сваю гатовасьць выслухаць іх пазыцыю і супольна знайсьці шляхі вырашэньні супярэчнасьцяў.

Ён паабяцаў прыкласьці ўсе намаганьні, каб забясьпечыць грамадзкі парадак і абараніць правы мірных грамадзянаў:

«Я ўпэўнены, што вы мяне пачуеце і падтрымаеце ў высілках спыніць супрацьстаяньне, якое справакаванае тымі, хто цаной чалавечай крыві хоча змагацца за ўладу».
21:06 20.1.2014
20:49 20.1.2014

24 журналісты пацярпелі падчас падзеяў у Кіеве 19-20 студзеня.


Пра гэта паведаміў Інстытут масавай інфармацыі. Пацярпелі журналісты 5 каналу, 1+1, ICTV, СТБ, 24 каналу, Спільнобачення, газеты «Вести», LB.ua і іншых.
Журналісты Радыё Свабода Ігар Ісхакаў і Дзмітры Бракар былі жорстка зьбітыя «Беркутам» пры затрыманьні.

Сьпіс пацярпелых журналістаў тут.
20:48 20.1.2014

«Апазыцыя не прыйшла на перамовы з уладай» — дарадца Януковіча


19 студзеня Віталь Клічко падчас сустрэчы з прэзыдэнтам Украіны Віктарам Януковічам у ягонай рэзыдэнцыі перадаў яму патрабаваньні Эўрамайдана:

  • вывядзеньне «Беркуту» і іншых спэцпадразьдзелаў, унутраных войскаў і вяртаньне іх да месцаў дыслякацыі
  • скасаваньне пакету законаў, прынятых 16 студзеня
  • спыненьне палітычных рэпрэсій
  • вяртаньне да рэдакцыі Канстытуцыі Ўкраіны 2004 году
  • карэкцыя выбарчага заканадаўства
  • прызначэньне новага складу Канстытуцыйнага суду
  • адстаўка ўраду Мікалая Азарава
  • фармаваньне і зацьвярджэньне складу тэхнічнага ўраду
  • прызначэньне датэрміновых прэзыдэнцкіх выбараў
  • правядзеньне датэрміновых парлямэнцкіх выбараў

Нягледзячы на паведамленьне пра стварэньне дэлегацыі для кансультацый з уладай, прадстаўнікі апазыцыйных фракцый не прыйшлі на перамовы па ўрэгуляваньні палітычнага крызісу да сакратара Рады нацыяльнай бясьпекі і абароны Андрэя Клюева. Пра гэта Радыё Свабода паведаміла дэпутатка і дарадца Януковіча Ганна Герман.

Менавіта Клюеву прэзыдэнт Віктар Януковіч даручыў узначаліць працоўную групу па выхадзе з палітычнага крызісу.
20:02 20.1.2014
17:38 20.1.2014
Як вы ацэньваеце тое, што адбываецца цяпер у Кіеве? Калі прэзыдэнт Януковіч пойдзе шляхам Лукашэнкі — гэта вас засмуціць ці парадуе? На гэтае пытаньне адказваюць жыхары Гомеля.
16:51 20.1.2014

Дэманстранты будуюць катапульты


Супрацьстаяньне паміж дэманстрантамі і спэцназам працягваецца ў дыстанцыйным выглядзе — мітынгоўцы шпурляюць у шэрагі «Беркута» камяні і кактэйлі Молатава, тыя страляюць у іх плястыкавымі кулямі і кідаюць гранатамі.

Дэманстранты пачалі будаваць за барыкадамі драўляныя катапульты, каб далей закідваць камяні у шэрагі «Беркуту».

Інтэрнэт-тэлеканал Espresso паведамляе, што ўлады нарошчваюць сілы спэцназу і ўнутраных войск у Кіеве — да 20 тысяч чалавек.
14:34 20.1.2014

У Кіеве пацярпела 103 чалавека

У выніку сутыкненьняў у Кіеве тры дэманстранты страцілі па воку, адзін – кісьць рукі.

Усяго пацярпела 103 чалавека, 42 зь іх шпіталізаваныя. Пра гэта паведаміў дырэктар дэпартамэнта аховы здароўя Кіеўскай гарадзкой адміністрацыі Віталь Махор.
Ён ня змог пацьвердзіць інфармацыю аб прымяненьні міліцыяй гумовых куляў.
Большасьць шпіталізаваных — жыхары Кіева, аднак таксама ёсьць і жыхары іншых рэгіёнаў.
14:32 20.1.2014
14:21 20.1.2014

Клічко патрабуе, каб перамовы вёў сам Януковіч


Прэзыдэнт Віктар Януковіч павінен асабіста прыняць удзел у перамовах аб урэгуляваньні крызісу ва Ўкраіне і адказваць за кожны крок дамоўленасьцяў, цьвердзіць лідэр украінскай партыі «Ўдар» Віталь Клічко.
14:20 20.1.2014

Януковіч прызначыў сваіх перамоўнікаў


Прэзыдэнт Украіны Віктар Януковіч прызначыў сваіх прадстаўнікоў для перамоваў з апазыцыяй з мэтай урэгуляваньня крызісу. Імі сталі міністар юстыцыі Алена Лукаш і дарадца прэзыдэнта Андрэй Партноў.

Перамовы маюць пачацца па абедзе. Сам Януковіч у перамовах прымаць удзел не зьбіраецца, — паведамляе 5 канал.

Апазыцыя заяўляе, што пагодзіцца на перамовы, калі скасуюць законы «аб дыктатуры», ухваленыя 16 студзеня. Пакуль што ўлады пагадзіліся не друкаваць гэтыя законы, што зьяўляецца апошнім крокам для ўступленьня іх у сілу.
13:31 20.1.2014
13:10 20.1.2014

Януковіч прызначыў сваіх перамоўнікаў


Прэзыдэнт Украіны Віктар Януковіч прызначыў сваіх прадстаўнікоў для перамоваў з апазыцыяй з мэтай урэгуляваньня крызісу. Імі сталі міністар юстыцыі Алена Лукаш і дарадца прэзыдэнта Андрэй Партноў.

Перамовы маюць пачацца па абедзе. Сам Януковіч у перамовах прымаць удзел не зьбіраецца, — паведамляе 5 канал.

Апазыцыя заяўляе, што пагодзіцца на перамовы, калі скасуюць законы «аб дыктатуры», ухваленыя 16 студзеня. Пакуль што ўлады пагадзіліся не друкаваць гэтыя законы, што зьяўляецца апошнім крокам для ўступленьня іх у сілу.
12:11 20.1.2014

«Беркут» страляе па журналістах


Стралялі ў здымачную групу 5 канала,— паведаміў. Журналісты налічы два выстралы, спэцыяльна накіраваныя ў іх. Спэцназавец заўважыў, як здымаюць журналісты ягоныя выстралы плястыкавымі кулямі ў мітынгоўцаў і накіраваў ружжо ў журналістаў.

Спэцназ спэцыяльна страляе па журналісцкіх камэрах, паведаміў журналіст 5 каналу, які пацярпеў ад куль.

Сутычкі дэманстрантаў і міліцыі на вуліцы Грушэўскага працягваюцца, атрады «Беркута» ўзмацняюць новымі сіламі.
12:09 20.1.2014

На Грушэўскага знаходзяцца каля 3 тысячы мітынгоўцаў


На вуліцы Грушэўскага ў Кіеве знаходзяцца ўжо каля 3 тысяч чалавек, і людзі працягваюць падыходзіць да месца супрацьстаяньня з праваахоўнікамі.

Як перадае УНІАН, мітынгоўцы выкрыкваюць: «Кіеў, уставай!» І «Банду гэць!»

На вуліцы Грушэўскага таксама прысутнічаюць прадстаўнікі царквы.

Актыўна настроеныя дэманстранты працягваюць кідаць у спэцназаўцаў камяні і «кактэйлі Молатава».
11:41 20.1.2014
11:33 20.1.2014
11:32 20.1.2014

Журналістаў Свабоды зьбілі і запіхнулі ў аўтазак


Журналісты Радыё Свабода, якія выконвалі прафэсійныя абавязкі на вуліцы Грушэўскага ў Кіеве, зараз знаходзяцца ў аўтамабілі для перавозкі зьняволеных.

Пра гэта sms-паведамленьнем праінфармаваў адзін з двух затрыманых, які дадаў, што падчас затрыманьня яны былі зьбітыя.

Пасьля 08:00 журналісты пайшлі здымаць падзеі на вуліцы Грушэўскага. На працягу некалькіх хвілін падчас паўзы ў сутыкненьнях мітынгоўцаў і міліцыі яны падышлі амаль ушчыльную ў шэрагі праваахоўнікаў. Пасьля трансьляцыя Свабоды перапынілася.
11:26 20.1.2014
11:26 20.1.2014

Затрымана 20 мітынгоўцаў. Людзей на барыкадах большае


Колькасьць пратэстоўцаў на вуліцы Грушэўскага ў Кіеве расьце, яны працягваюць закідваць «Беркут» камянямі і кактэйлем Молатава, «Беркут» адстрэльваецца шумавымі гранатамі і плястыкавымі кулямі.

Праваахоўнікі ўжо затрымалі больш за 20 чалавек падчас сутыкненьняў у цэнтры Кіева, паведамляе Інтэрфакс. Іх даставілі ў пастарункі. «Высьвятляюцца іх асобы , а таксама іх ступень удзелу ў падзеях», — паведамілі ў прэсавай службе МУС Украіны ў панядзелак раніцай.
Дзевяць чалавек ужо затрыманыя ў рамках расьсьледаваньня крымінальнай справы аб масавых беспарадках.

Загрузіць яшчэ

Глядзець камэнтары (56)

Гэтая дыскусія закрытая.
XS
SM
MD
LG