Лінкі ўнівэрсальнага доступу

У Віцебску трэці раз прайшлі «Барадулінкі» — літаратурна-музычны фэст у гонар народнага паэта-земляка


«Арт-Прастора», дзе ладзяцца «Барадулінкі»

Фэст у гонар народнага паэта Беларусі Рыгора Барадуліна зазвычай праводзіцца ў Дні горада, калі Віцебск адзначае свае чарговыя ўгодкі. Сёлета яны ўжо 1043-я, і фэст «Барадулінкі» падрастае разам з родным горадам.

На думку аднаго з арганізатараў, Уладзімера Булаўскага, сучасны фармат імпрэзаў фэсту разбурае ўжо сумнаватую завядзёнку літаратурных вечарынаў:

Уладзімер Булаўскі
Уладзімер Булаўскі

«Сьвята, прысьвечанае нашаму земляку, народнаму паэту Рыгору Барадуліну, увабрала ў сябе самыя разнастайныя накірункі. На пляцоўцы „Арт-Прасторы“ па вуліцы Талстога,7 адбыліся і моўныя, і літаратурныя імпрэзы, і навукова-папулярная лекцыя, і кірмаш з удзелам рамесьнікаў ды майстроў Віцебскага рэгіёну.

Арганізатары — а гэта грамадзка-культурніцкая кампанія „Будзьма беларусамі!“ і сацыяльна-культурная ўстанова „Віцебск для мяне“ — пастараліся спалучыць у адно абсалютна розныя мерапрыемствы, каб кожны наведнік змог знайсьці нешта цікавае менавіта для сябе. Выступы музыкаў, паказ дакумэнтальных фільмаў, майстар-клясы па традыцыйных танцах, пляцоўка для бук-кросынгу, віртуальнае падарожжа па Вушыччыне — усё гэта аб’яднана адной мэтай: ушанаваньню памяці дзядзькі Рыгора, які ўсё жыцьцё прысьвяціў таму, каб дапамагчы беларусам адчуць сябе сапраўднымі беларусамі».

Пазачарговыя заняткі курсаў «Мова нанова»
Пазачарговыя заняткі курсаў «Мова нанова»

Некаторыя імпрэзы «Барадулінак» сталі ўжо традыцыйнымі. Так, летні кірмаш — кірмаш вырабаў маладых майстроў хэнд-мэйду, запомніўся наведнікам з самага першага фэсту. У другія «Барадулінкі» ўпершыню былі ўключаны заняткі курсаў «Мова нанова», прысьвечаныя творчасьці Барадуліна, і сёлетні фэст таксама запомніцца віцяблянам — тым, што кожнаму бліжэй.

Буккросінг – абмен кнігамі
Буккросінг – абмен кнігамі
Кава па- беларуску
Кава па- беларуску
Абмеркаваньне кнігі пра віцебскую мастацкую школу
Абмеркаваньне кнігі пра віцебскую мастацкую школу
Майстар-кляс па маляваньні
Майстар-кляс па маляваньні
Кніжны гандаль
Кніжны гандаль

Ваша меркаваньне

Паказаць камэнтары

XS
SM
MD
LG