Пра даўгабуды і АЭС
Лукашэнка скрытыкаваў маштабныя інвэстыцыйныя праекты, якія зь невядомых прычынаў замарозіліся. Сьветлагорскі завод праз тры месяцы спыніўся, кардонны завод у Добрушы зусім не працуе. Цэмэнтная прамысловасьць у заняпадзе, нафтахімічная сфэра не вытрымлівае крытыкі. Больш за 10 мільярдаў даляраў укладзена ў АЭС, а так і невядома, як станцыя будзе ўбудаваная ў эканоміку краіны.
Дык ужо ж вырашылі: калі ніхто ня будзе купляць залішкі энэргіі, будзем майніць біткойны проста на АЭС. Ці не?… https://t.co/mPVi24hRG6
— Радыё Свабода (@svaboda) 24.4.2018
Вызначаны вінаваты ў праблемах беларускай прамысловасьці. Але Лукашэнка пакарае ня гэтага чалавека, а ўвесь урад… https://t.co/2deIgXbR6c
— Радыё Свабода (@svaboda) 24.4.2018
Некалькі разоў Лукашэнка вяртаецца да падзеяў у Армэніі. Відаць, яны моцна яго ўразілі. Ён нават ня ўтойвае свой страх перад рэвалюцыямі. Што ў каго баліць...
Пра зьмены ў Канстытуцыю і зноў пра Армэнію
Лукашэнка даручыў судзьдзям Канстытуцыйнага суду падрыхтаваць прапановы па ўнясеньні «тэхнічных зьменаў».
«Але зьменаў пад канкрэтную асобу ніколі ня будзе — як гэта мы пабачылі на прыкладзе Армэніі. Ня трэба было пераводзіць прэзыдэнцкую рэспубліку ў парлямэнцкую, вось і адгукнулася. Навошта мяняць асновы дзяржавы, ламаць пад нейкую асобу? Тое і адбылося. У гэтай сытуацыі толькі жадаю армянскаму народу, каб не захапіліся барацьбой».
Пра расейскую прапаганду
«Сёньня расейскія прапагандысты гатовыя ваяваць з усім сьветам. Але калі гэты касьцёр разгарыцца, то яны першыя разам са сваімі дзецьмі там і апынуцца. Гэта тычыцца і нашых дзеячоў, якія толькі і чакаюць спрыяльнага моманту. Ад нас павінны сыходзіць толькі мірныя ініцыятывы, ліміт рэвалюцый і войнаў мы вычарпалі», — падсумаваў Лукашэнка.
Рэфэрэндуму ня будзе. Цікава, як Лукашэнка перавярнуў сытуацыю.
Аказваецца, гэта апазыцыя, праціўнікі патрабуюць зьмены Канстытуцыі і рэфэрэндуму. Не выпадкова адмову ад рэфэрэндуму Лукашэнка зьвязаў з армянскімі падзеямі і Майданам. Думаю, гэта моцна ацьвярэзіла і астудзіла яго. Такім чынам, усё адкладваецца на няпэўны час.
Лукашэнка крытыкуе перавод Армэніі з парлямэнцкай на прэзыдэнцкую форму кіраваньня, за рэфэрэндумы па зьменах сыстэ… https://t.co/nFR19ctSEU
— Радыё Свабода (@svaboda) 24.4.2018
Сяргей Чалы, эканаміст, камэнтуе заявы Лукашэнкі пра ІТ-краіну
«На пытаньне пра тое, ці можа Беларусь стаць ІТ-краінай, вельмі добра днямі адказаў на форуме ў Менску Сол Сінгэр з Ізраілю. Ён адзначыў, што ў Ізраілі гэта вяршыня айсбэрга: велізарныя інфраструктуры, моцныя эканомікі, добрая адукацыя, добрая ахова здароўя.
Гэтыя рэчы растуць зьнізу ўверх. А вырашаць іх праз насаджваньне тэхналягічных паркаў, як у нас звычайна дзейнічае дзяржава, зьверху ўніз, верагодна няправільна».
Можам прапанаваць добрую кніжку, каб разабрацца: https://t.co/rd3jcbeaYK #agl24 https://t.co/24E43ittH0
— Радыё Свабода (@svaboda) 24.4.2018
Дарэчы, ня бачым. Пра рэфэрэндум апошнім часам кажуць больш ва ўладных колах 0_о #agl24 https://t.co/LrQmmEHCDK
— Радыё Свабода (@svaboda) 24.4.2018
Пра падзел паўнамоцтваў і Майдан
Жыцьцё мяняецца, павінны мяняцца і законы, адзначыў Лукашэнка. Але гэта тычыцца дробных нормаў, якія наўпрост не ўплываюць на жыцьцё людзей. Лукашэнка прызнаў, што частку паўнамоцтваў можна перадаць іншым галінам улады, а ў яго тым часам зьяўляюцца новыя клопаты.
«Але калі хтосьці разьлічвае, што будзе створаны падмурак для майданаў і майданутых, то гэтага ня будзе», — запэўніў Лукашэнка.
Лукашэнка кажа, "ні пра які рэфэрэндум ня думаў" #agl24 https://t.co/OaXJY6ilFb
— Радыё Свабода (@svaboda) 24.4.2018
Пра рэфэрэндум
«Пра рэфэрэндум па зьмене нормаў Асноўнага закону я нават ня думаў. Я ніколі не парушу сваю клятву, а то будзе, як учора ў Армэніі. Нам зараз не да рэфэрэндуму. Нам галоўнае выстаяць, а не каб муць падняць у краіне. Вы ж бачыце, хто патрабуе зьменаў. Яны ж ня будуць адказваць, якія наступствы будуць мець зьмены Канстытуцыі. Трэба спыніць гэтае бражэньне ў грамадзтве».
Ставіцца задача разьвіцьця фінансавага рынку. Але для гэтага патрэбна стварэньне паўвартасных рынкавых інстытутаў. Напрыклад, фарміраваньне фондавага рынку. А гэта несумяшчальна зь беларускай сацыяльнай мадэльлю зь вялізным дзяржаўным сэктарам эканомікі.
Пра рост лічбавай эканомікі
Лукашэнка заявіў, што экспарт Парку высокіх тэхналёгій за год вырас на 25%. Да падпісаньня ўказу аб лічбавай эканоміцы рэзыдэнтам парку станавілася 1 кампанія ў месяц, а пасьля ўстуленьня ў сілу дакумэнта за тры месяцы ад пачатку году — ужо больш за паўсотні суб’ектаў.
Так прыцягнем замежных багатых інвэстараў. У слове "брэнд" падкрэсьленае Е #agl24 https://t.co/3diCrH2MSZ
— Радыё Свабода (@svaboda) 24.4.2018
Раманчук: З рэцэсіі выходзім, але ня дзякуючы ўладам
Яраслаў Раманчук, кіраўнік фонду Мізэса, камэнтуе Лукашэнку:
«Так, з рэцэсіі пакрыху выходзім. Але дзякуючы выключна спрыяльным вонкавым фактарам. Найперш праз тое, што не патрабуе эканамічнай палітыкі: росту цэнаў на сусьветным рынку на нафтапрадукты і калійныя ўгнаеньні. Гэта ўсё дзякуючы нашай прыродзе, нашай зямлі».
«Прырост ВУП у 100 мільярдаў даляраў за пяцігодку атрымаць можна. Але пры адной умове — прэм’ерам стану я, а Кабякоў пойдзе ў адстаўку».