Лінкі ўнівэрсальнага доступу

С. Вітушка: “Зрабіць сэнсоўную беларускую імпрэзу, каб усё атрымалася”


25 сакавіка 1918 у Менску была абвешчаная незалежнасьць Беларускай Народнай Рэспублікі. Дзесяцігодзьдзямі гэтая падзея была выкрасьленая з гісторыі краіны. Замоўчваецца яна і ў сучаснай Беларусі. Сёлета спаўняецца 90 гадоў абвяшчэньню БНР. Дэмакратычная грамадзкасьць краіны прымеркавала да гэтай даты шэраг мастацкіх імпрэзаў, а таксама шэсьце і мітынг. Як гэтае сьвята будуць адзначаць сёньняшнія прадстаўнікі інтэлігенцыі? Пра гэта кажа адзін з тых, хто распачынаў адзначаць гэтае сьвята ў сярэдзіне 80-х, колішні лідэр моладзевага аб’яднаньня “Талака”, які цяпер жыве ў Вільні, Сяржук Вітушка.


Карэспандэнтка: Як вы будзеце сьвяткаваць 90-я ўгодкі абвяшчэньня Беларускай Народнай Рэспублікі?

Вітушка: Я зь цікавасьцю слухаю радыё і ўсе прапановы, якія там гучаць. І для мяне было б шчасьцем, каб і ў самой Беларусі, і за яе межамі падтрымаць сэнсоўныя беларускія акцыі. І тут у Вільні да кожнага зьвяртаюся: як будзем сьвяткаваць 25 сакавіка? Давайце сустракацца, давайце дамаўляцца, каб разам усё гэта праводзіць. Няхай будуць розныя прапановы, складзем іх у кошык і выберам адну. І затым ужо ня будзем крытыкаваць, а разам працаваць. І шлях тут такі – зрабіць сэнсоўную беларускую імпрэзу, каб усё атрымалася. Ну, а сам асабіста думаю, каб як распавесьці пра БНР сваёй дачцэ. Дачцэ 15 гадоў, і яна прыходзіць і пытаецца: як, што і чаму?.

Карэспандэнтка: Што азначае для вас абвяшчэньне БНР?

Вітушка: Абвяшчэньне БНР – гэта вялікае сьвята. Іншай гісторыі ў Беларусі няма. Толькі трэба адстойваць сваю правату. Сказаць нешта разумнае аднойчы – гэта ня значыць, што ўсе гэта пачуюць і прымуць. Гэта трэба сто разоў даказваць, даказваць і даказваць. Я вельмі ўсьцешаны, што абралі такі маршрут дэманстрацыі - не на цэнтральную плошчу, не на плошчу Леніна, а ад помніка да помніка. Сапраўды, як адправіць такіх людзей на Бангалор? Там жа няма помніка Купалу, Багдановічу. Мне спадабалася такая ідэя.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG