Лінкі ўнівэрсальнага доступу

Зьміцер Буланаў. Партрэт на фоне кратаў




Дзіма зь дзяцінства захапляўся біялёгіяй і музыкай. Удзельнічаў у алімпіядах па біялёгіі. Вельмі захапляўся дыназаўрамі, ведаў усё пра гэтых вымерлых жывёлаў, вывучыў нават усе назвы на лаціне.

Часам агаломшваў мяне складанымі пытаньнямі кшталту: "А якія зубы ў такога і такога дыназаўра — трубчатыя альбо альвэалярныя?" Я, натуральна, ня памятала і адказвала, што ніколі не задумвалася, якія зубы ў дыназаўра. Сын-падлетак іранізаваў: "Ну вось, а яшчэ кандыдат біялягічных навук! А ня ведаеш, якія зубы ў дыназаўра! Трубчатыя!".

У шпіталі мне дазволілі зь ім спатканьне. Я казала яму, што мы два стрыжні і павінны трымацца, бо, калі адзін зломіцца, то і другому будзе цяжка
Дзіма спачатку вырашыў зьвязаць сваё жыцьцё з мэдыцынай: пасьля школы скончыў мэдыцынскую вучэльню, два гады адпрацаваў мэдбратам у інфэкцыйным шпіталі. Вельмі адказна ставіўся да сваёй працы, яму давяралі даглядаць цяжка хворых, у тым ліку інфікаваных ВІЧ і хворых на СНІД.







Палітыкай Зьміцер не займаўся, ніколі ня быў сябрам палітычных партыяў і рухаў. 19 сьнежня на плошчы яго моцна зьбілі
Але потым музыка ўсё ж такі перамагла. Прычым Дзіма авалодаў музычнай граматай, калі быў ужо юнаком, самастойна, праз кампутар. У яго на кампутары была клявіятура, як на фартэпіяна, грыф — струны гітары, і нотны стан. Вельмі хутка ўсё засвоіў. Я сама ў дзяцінстве скончыла музычную школу і памятаю, як завучвала нейкія гамы, пасажы, эмацыйна вывучала і ўспрымала творы, да прыкладу, Бэтховэна, Баха цалкам. А ў яго нейкае іншае, на мой погляд, дзіўнае ўспрыняцьце музыкі — ён разглядаў твор як структуру: зь якіх музычных элемэнтаў ён складаецца... Ён мог любы твор пачаць зь любой ноты, зь любога такту. Авалодаў бас-гітарай. Стварыў яшчэ ў мэдвучэльні гурт "Sacramental Wine". Перад самай пасадкай сабраў іншую каманду музыкаў –"Centzon Totochtin". Як распавяла мне сяброўка Дзімы Надзея, хлопцы гралі ў стылі "Progressive Metal", гэта спалучэньне мэталу з клясыкай, вельмі складаная музыка, неагрэсіўная і мілагучная.



Дзіма хацеў вучыцца аранжыроўцы. Але паступіў у Інстытут сучасных ведаў на факультэт мастацтваў. Вывучаў выканаўчае майстэрства. Хацеў знайсьці працу, каб самому аплачваць вучобу. Яму няёмка было, каб я плаціла за вучобу.

Ён вельмі любіць чытаць фантастыку, гістарычную літаратуру. Захапляўся гісторыяй Беларусі.



Палітыкай Зьміцер не займаўся, ніколі ня быў сябрам палітычных партыяў і рухаў. 19 сьнежня на плошчы яго моцна зьбілі. Атрымаў 10 сутак арышту. Пасьля вызваленьня з ізалятара на Акрэсціна быў затрыманы паўторна 12-га студзеня толькі за тое, што адмовіўся ісьці на допыт без афіцыйнай позвы. Супрацоўнікі міліцыі прыехалі да нас дадому і заявілі: не зьявіўся на іхні званок — значыць, вінаваты. Некалькі гадзінаў Дзіма чакаў сьледчага ў сьледчай управе на вуліцы Сапёраў, дачакаўся толькі пастановы пра статус падазраванага па справе аб масавых беспарадках...



Дзіма ня мог хадзіць. Колькі сіл я патраціла, колькі намаганьняў прыклала, каб яму аказалі адпаведную мэдычную дапамогу, кансультацыю спэцыялістаў
У Дзімы сур'ёзныя праблемы са здароўем. За кратамі абвастрылася хранічнае захворваньне. Дзіма ня мог хадзіць. Колькі сіл я патраціла, колькі намаганьняў прыклала, каб яму аказалі адпаведную мэдычную дапамогу, кансультацыю спэцыялістаў. Паставілі дыягназ "вострая рэўматычная ліхаманка". Але меры стрыманьня не зьмянілі — сына пакінулі за кратамі. Праўда, перавялі ў турэмны шпіталь, прызначылі антыбіётыкі. Цяпер Зьміцер можа самастойна рухацца. У зьняволеньні любая мэдычная дапамога — гэта праблема. Вось, напрыклад, забалеў зуб. Там сказалі адразу, што выдаляць, і ўсё. Але яму зрабілі здымак, я яго паказала іншым стаматолягам, і тыя сказалі, што можна спакойна ставіць плёмбу. Вось яму там яе толькі пасьля гэтага і паставілі.



У шпіталі мне дазволілі зь ім спатканьне. Я казала яму, што мы два стрыжні і павінны трымацца, бо, калі адзін зломіцца, то і другому будзе цяжка.. Зараз яго са шпіталя зноў перавялі на "Валадарку". Але тэмпэратура ў яго трымаецца, значыць, ідуць запаленчыя працэсы. Да суду спатканьня зь ім мне ўжо не дазволілі.



Зьміцер ведае, што пра яго пішуць, падтрымліваюць, выказвае ў лістах усім падзяку.

Клаўдзія Буланава, маці Зьмітра Буланава

Зьміцер Буланаў нарадзіўся ў Менску 25 жніўня 1984 году. Скончыў Менскі мэдычны каледж № 2, два гады працаваў мэдбратам у інфэкцыйным шпіталі. Сур’ёзна захапляецца музыкай, незадоўга да арышту сабраў музыкаў для стварэньня свайго гурту. Вучыўся ў Інстытуце сучасных ведаў на факультэце мастацтваў, вывучаў выканаўчае майстэрства. Палітыкай не займаўся, ніколі ня быў сябрам ніякіх палітычных партыяў ці рухаў.



Усе партрэты на фоне кратаў

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG