Чаму, негледзячы на адносна нізкія афіцыйныя дадзеныя, інфляцыя гэтак моцна хвалюе беларускіх грамадзянаў? Магчыма, за ростам цэнаў людзі асьцерагаюцца іншых, больш сур’ёзных наступстваў? На гэтыя пытаньні адказвае сацыёляг Аляксандар Сасноў.
Цыганкоў: “У чэрвені 2006-га, падчас папярэдняга апытаньня, рост цэнаў хваляваў 60,1% апытаных, а цяпер — ужо 84,2%. За гэты жа пэрыяд на 15 працэнтаў вырасла доля тых, каго хвалюе праблема згаленьня насельніцтва (цяпер такіх 34 працэнты). 38 працэнтаў непакоіць беспрацоўе. Тым часам афіцыйная лічба інфляцыі хаця і ўзрасла, але склала за 11 месяцаў году 10 працэнтаў. Гэта не такія і драматычныя лічбы. Чаму ж людзі гэтак непакояцца? Ці яны бачаць іншую эканамічную рэальнасьць, адрозную ад афіцыйнай, ці за ростам цэнаў яны баяцца іншых больш сур'ёзных наступстваў?"
Сасноў: "Афіцыйныя лічбы росту цэнаў не зусім дакладна адпавядаюць сапраўднай інфляцыі. Бо калі лічыць рост бюджэту пражытковага мінімуму, то можна адзначыць, што ён расьце ўдвая хутчэй чым афіцыйная лічба інфляцыі. Але ж людзі набываюць тыя прадукты, якія ўваходзяць у мінімальны спажывецкі кошык, кожны дзень, і таму яны
Афіцыйныя лічбы росту цэнаў не зусім дакладна адпавядаюць сапраўднай інфляцыі
Другое. На маю думку, другую нафтагазавую вайну з Расеяй беларускі рэжым прайграў. І ня толькі фактычна,але і з пункту гледжаньня піяру, грамадзкай думкі. Людзі гэта бачаць, і разумеюць, што прыйдзецца падвышаць кошты ўсіх энгэрганосьбітаў, і гэта ланцугом закране цэны на ўсе прадукты.
І трэцяе. Амаль паўгады людзей рыхтавалі да адмены льготаў, і гэта зрабілі перад самым Новым годам, так бы мовіць, падарунак такі ад улады. Гэта таксама паўплывала на тое, што людзі больш недаверліва сталі ставіцца да ўлады – напрыклад, рэйтынг Лукашэнкі зьнізіўся”.
Цыганкоў: “То бок тое, што людзей найперш хвалюе рост цэнаў – гэта адлюстроўвае ня толькі стаўленьня да канкрэтнага пытаньня інфляцыі, але і больш шырокі недавер людзей да эканамічнай палітыкі, эканамічнай пэрспэктывы Беларусі? Ці ёсьць нейкія сацыялягічныя дадзеныя, якія пацьвярджаюць такую думку?”
Сасноў: “Так. Калі год-два таму тых, хто лічыў, што эканамічны курс Беларусі правільны, было ў два разы больш за тых, хто лічыў яго няправільным, то цяпер амаль аднолькава стала і тых, і другіх. Гэта даказвае, што людзі сваю сацыяльна-эканамічную пэрспэктыву бачаць ня вельмі добра, нашмат болей пэсымістычна, чым раней”.