Жыхарка Менску Ірына Тоўсьцік ў прызначаны час не атрымала свой пашпарт, у якім мусіў зьявіцца штамп, які дазваляе выезд за мяжу. Затрымка, як прызналіся дзяўчыне супрацоўнікі Кастрычніцкай пашпартнай службы, тлумачылася зусім не тэхнічнай прычынай. Пашпартам Ірыны зацікавіліся ў КДБ. Дадатковую праверку беларускія “чэкісты” завершаць сёньня, але вынік гэтай праверкі Ірына прадказаць не бярэцца. Яна каардынатар апазыцыйнага маладзёвага руху “Зубар” і зьвязвае ўвагу да сябе КДБ менавіта з гэтым.
(Тоўсьцік: ) “Мяркую, гэта ўсё зьвязана з маёй дзейнасьцю. Пацьвярджэньнем таму было маё выключэньне з унівэрсытэту, затрыманьні і размовы з супрацоўнікамі Камітэта дзяржаўнай бясьпекі”.
Ці ёсьць законныя падставы забараніць грамадзяніну выезд за мяжу? Паводле адказнага супрацоўніка рэспубліканскай пашпартна-візавай службы такая забарона можа быць толькі часовай, бо права грамадзяніну вольна езьдзіць ва ўсе краіны сьвету гарантавана Канстытуцыяй, і абмежаваць яго можна толькі з пэўных прычынаў.
( Міліцыянт: ) “Іх шмат, але асноўных пяць: завядзеньне крымінальнай справы, наяўнасьць нявыкананых абавязацельстваў у адпаведнасьці з прысудам, які ўступіў у сілу, інтарэсы бясьпекі дзяржавы і іншыя”.
Паводле майго суразмоўцы, за 9 месяцаў гэтага году 410 тысяч грамадзянаў Беларусі зьвярнуліся за атрыманьнем штампу, які дазваляе выезд за мяжу, зь іх адмоўлена 525 грамадзянам. Сярод гэтых людзей і гарадзенскі журналіст Андрэй Пачобут, які лічыцца падазроным ў справе аб пагрозах на адрас дырэктара шчучынскага Дома польскага Віктара Богдана. У Андрэя Пачобута спачатку ўзялі падпіску аб невыязьдзе, і на гэтай падставе анулявалі яму штамп аб праве выезду за мяжу. Пазьней такую меру стрыманьня для журналіста адмянілі, але дзеяньне штампу гэтак і не аднавілі. Андрэй лічыць, што гэта невыпадкова і тлумачыць ўсё сваёй пазыцыяй у канфлікце вакол Саюзу палякаў Беларусі.
( Пачобут: ) “Гэта такая форма перасьледу з боку дзяржаўных уладаў. Шмат каго зь іх не пускаюць у замежныя краіны, і вось такі м жа чынам яны спрабуюць адпомсьціць нам. Што іх не пускаюць там, а яны нас не выпускаюць”.
Ці магчыма адмовіць грамадзяніну ў праве на выезд за мяжу толькі на той падставе, што ён фігуруе ў крымінальнай справе? Праваабаронца Гары Паганяйла кажа, што гэта магчыма толькі калі з грамадзяніна ўзятая падпіска аб нявыяздзе. Іншае – незаконна і праваабаронца раіць абскарджваць рашэньне у судзе.Паводле досьведу Гары Паганяйлы, такія звароты дзейнічалі.
(Паганяйла: ) “ Калі людзі зьвярталіся, то гэтая праблема вырашалася. Бо чыноўнікі і судзьдзі ведаюць, што даводзіцца вырашаць праблему на падставе закона, а калі гэта не зробяць, то наступае і крымінальная адказнасьць”.
.
(Тоўсьцік: ) “Мяркую, гэта ўсё зьвязана з маёй дзейнасьцю. Пацьвярджэньнем таму было маё выключэньне з унівэрсытэту, затрыманьні і размовы з супрацоўнікамі Камітэта дзяржаўнай бясьпекі”.
Ці ёсьць законныя падставы забараніць грамадзяніну выезд за мяжу? Паводле адказнага супрацоўніка рэспубліканскай пашпартна-візавай службы такая забарона можа быць толькі часовай, бо права грамадзяніну вольна езьдзіць ва ўсе краіны сьвету гарантавана Канстытуцыяй, і абмежаваць яго можна толькі з пэўных прычынаў.
( Міліцыянт: ) “Іх шмат, але асноўных пяць: завядзеньне крымінальнай справы, наяўнасьць нявыкананых абавязацельстваў у адпаведнасьці з прысудам, які ўступіў у сілу, інтарэсы бясьпекі дзяржавы і іншыя”.
Паводле майго суразмоўцы, за 9 месяцаў гэтага году 410 тысяч грамадзянаў Беларусі зьвярнуліся за атрыманьнем штампу, які дазваляе выезд за мяжу, зь іх адмоўлена 525 грамадзянам. Сярод гэтых людзей і гарадзенскі журналіст Андрэй Пачобут, які лічыцца падазроным ў справе аб пагрозах на адрас дырэктара шчучынскага Дома польскага Віктара Богдана. У Андрэя Пачобута спачатку ўзялі падпіску аб невыязьдзе, і на гэтай падставе анулявалі яму штамп аб праве выезду за мяжу. Пазьней такую меру стрыманьня для журналіста адмянілі, але дзеяньне штампу гэтак і не аднавілі. Андрэй лічыць, што гэта невыпадкова і тлумачыць ўсё сваёй пазыцыяй у канфлікце вакол Саюзу палякаў Беларусі.
( Пачобут: ) “Гэта такая форма перасьледу з боку дзяржаўных уладаў. Шмат каго зь іх не пускаюць у замежныя краіны, і вось такі м жа чынам яны спрабуюць адпомсьціць нам. Што іх не пускаюць там, а яны нас не выпускаюць”.
Ці магчыма адмовіць грамадзяніну ў праве на выезд за мяжу толькі на той падставе, што ён фігуруе ў крымінальнай справе? Праваабаронца Гары Паганяйла кажа, што гэта магчыма толькі калі з грамадзяніна ўзятая падпіска аб нявыяздзе. Іншае – незаконна і праваабаронца раіць абскарджваць рашэньне у судзе.Паводле досьведу Гары Паганяйлы, такія звароты дзейнічалі.
(Паганяйла: ) “ Калі людзі зьвярталіся, то гэтая праблема вырашалася. Бо чыноўнікі і судзьдзі ведаюць, што даводзіцца вырашаць праблему на падставе закона, а калі гэта не зробяць, то наступае і крымінальная адказнасьць”.
.
