Пастар кобрынскай царквы Хрысьціянаў веры эвангельскай Мікалай Радковіч за парушэньне тэхнікі пажарнай бясьпекі аштрафаваны на 25 тысяч рублёў. Вось што ён распавёў у інтэрвію Беларускай “Свабодзе”:
(Радковіч: ) “Прыйшла камісія, правяралі малітоўны дом. Вогнетушыльнік не такі, тое не такое, тое не такое… Не адпавядае кубатуры — трэба 10 літраў, а там быў 5 ці 8 літраў. Ну і выпісалі штраф. На маю думку, асноўная прычына іх візыту ў тым, што царква не зарэгістраваная. Мы лічым, што такі закон, такая рэгістрацыя нам не падыходзіць. Я думаю, што гэта было ўказаньне зьверху — зь Берасьця ці зь Менску. І таму яны так адзначылі сваю працу, што яны былі, яны прайшлі, яны адзначылі ўсё”.
Пратакол дзяржаўная камісія склала і на пастара незарэгістраванай кобрынскай царквы Эвангельскіх хрысьціянаў баптыстаў Сьцяпана Канавальчука. У яго царкве таксама былі знойдзеныя парушэньні. У інтэрвію інфармацыйнаму цэнтру “Свабода сумленьня” спадар Канавальчук назваў дзеяньні чыноўнікаў “парушэньнем Канстытуцыі, якая гарантуе сабоду сумленьня”. Абодва пастыры сьцьвярджаюць, што падобныя праверкі ў іх цэрквах адбываюцца раз на адзін-два гады, і гэтыя візыты амаль заўсёды заканчваюцца штрафнымі санкцыямі.
Супрацоўнік інфармацыйнага цэнтру “Свабода сумленьня”Станіслаў Акінчыц так пракамэнтаваў гэтыя дзеяньні кобрынскіх чыноўнікаў:
(Акінчыц: ) “Тут улады дзейнічаюць старым савецкім спосабам. Яны чапляюцца да вернікаў. Прычым, гэта робіцца ня ў форме парушэньня іхных правоў, а ў форме менавіта прыдзірак розных службаў. Гэта Міністэрства ў надзвычайных сытуацыях, санстанцыя, яшчэ хто-небудзь. Дэманструючы, што гэта пытаньне нерэлігійнае, а нейкіх там пятых, шостых, сёмых службаў. Пры гэтым дзейнічаюць выбарачна: пад ударам апынаюцца, перадусім, пратэстанцкія цэрквы”.
Праблемы таксама зьявіліся і ў незарэгістраванай грамады Эвангельскіх хрысьціянаў баптыстаў у Берасьці. Днямі улады нават хацелі апячатаць іх царкву на той падставе, што яна знаходзіцца занадта блізка ад жылых дамоў і гаспадарчых пабудоваў. Вернікі пакуль сваю сьвятыню адстаялі.
(Радковіч: ) “Прыйшла камісія, правяралі малітоўны дом. Вогнетушыльнік не такі, тое не такое, тое не такое… Не адпавядае кубатуры — трэба 10 літраў, а там быў 5 ці 8 літраў. Ну і выпісалі штраф. На маю думку, асноўная прычына іх візыту ў тым, што царква не зарэгістраваная. Мы лічым, што такі закон, такая рэгістрацыя нам не падыходзіць. Я думаю, што гэта было ўказаньне зьверху — зь Берасьця ці зь Менску. І таму яны так адзначылі сваю працу, што яны былі, яны прайшлі, яны адзначылі ўсё”.
Пратакол дзяржаўная камісія склала і на пастара незарэгістраванай кобрынскай царквы Эвангельскіх хрысьціянаў баптыстаў Сьцяпана Канавальчука. У яго царкве таксама былі знойдзеныя парушэньні. У інтэрвію інфармацыйнаму цэнтру “Свабода сумленьня” спадар Канавальчук назваў дзеяньні чыноўнікаў “парушэньнем Канстытуцыі, якая гарантуе сабоду сумленьня”. Абодва пастыры сьцьвярджаюць, што падобныя праверкі ў іх цэрквах адбываюцца раз на адзін-два гады, і гэтыя візыты амаль заўсёды заканчваюцца штрафнымі санкцыямі.
Супрацоўнік інфармацыйнага цэнтру “Свабода сумленьня”Станіслаў Акінчыц так пракамэнтаваў гэтыя дзеяньні кобрынскіх чыноўнікаў:
(Акінчыц: ) “Тут улады дзейнічаюць старым савецкім спосабам. Яны чапляюцца да вернікаў. Прычым, гэта робіцца ня ў форме парушэньня іхных правоў, а ў форме менавіта прыдзірак розных службаў. Гэта Міністэрства ў надзвычайных сытуацыях, санстанцыя, яшчэ хто-небудзь. Дэманструючы, што гэта пытаньне нерэлігійнае, а нейкіх там пятых, шостых, сёмых службаў. Пры гэтым дзейнічаюць выбарачна: пад ударам апынаюцца, перадусім, пратэстанцкія цэрквы”.
Праблемы таксама зьявіліся і ў незарэгістраванай грамады Эвангельскіх хрысьціянаў баптыстаў у Берасьці. Днямі улады нават хацелі апячатаць іх царкву на той падставе, што яна знаходзіцца занадта блізка ад жылых дамоў і гаспадарчых пабудоваў. Вернікі пакуль сваю сьвятыню адстаялі.
