Судзьдзя менскага гарадзкога суду Ала Салаўёва разгледзела справу аб ліквідацыі царквы на працягу адной гадзіны. Яна зачытала дакумэнты аб тым, што хрысьціянская рэлігійная кангрэгацыя “Беларускі эвангелічны рэфармацкі збор” зарэгістравана ў Мін''юсце з 1992 году. У адпаведнасьці з новым заканадаўствам, усе грамадзкія й рэлігійныя арганізацыі мусяць мець юрыдычны адрас у нежылым фондзе. Вернікі-кальвіністы за два гады пасьля зьяўленьня Закону не падалі ў Менгарвыканкам новых дакумэнтаў.
Калі раней у часе ліквідацыі рэлігійных суполак сьвятары галоўнай прычынай называлі тое, што ня маюць грошай на арэнду такіх памяшканьняў, а дзяржава іх не дае, то кальвініст Леанід Ліпень заявіў у судзе, што байкатуе новы закон і патрабуе, каб кальвіністам вярнулі іхныя храмы, якія гістарычна былі замацаваны за гэтай канфэсіяй.
(Ліпень: ) “Мы ня можам прызнаць дыскрымінацыйнага закону. Ён парушае свабоду сумленьня. Нам трэба, каб вярнулі нам свабоду, каб вярнулі нам гістарычныя будынкі (хаця б адзін зь іх) і каб спынілі перасьлед. У нас сканфіскавалі ўсе будынкі. Сканфіскавалі, а цяпер патрабуюць нейкага юрыдычнага адрасу. Я думаю, што яны ўсё ведаюць. Ведаюць пра гісторыю рэфармацыі. Усё гэта зроблена сьвядома”.
Усясьветны альянс рэфармаваных цэркваў даслаў ліст на імя кіраўніка беларускай праваслаўнай царквы з Жэнэвы, у якім прасіў патрыяршага экзарха Філарэта паспрыяць вырашэньню пытаньня аб перадачы храму кальвіністаў у Заслаўі, дзе цяпер спраўляецца праваслаўнае набажэнства. Але — безвынікова.
(Ліпень: ) “Я сумняюся, што такія паводзіны, якія нават у праваслаўных называюцца сьвятатацтвам, могуць даваць падставу называць іх хрысьціянамі. Вы ўяўляеце сабе хрысьціяніна, які адбірае дом у іншага хрысьціяніна? Я не ўяўляю. Мне гэта неўцямна”.
Пастар Ліпень заявіў у судзе, што для яго галоўнае — гэта суд Божы. Ён назваў справу ліквідацыі царквы палітычнай і замоўленай уладамі. Сьвятар упэўнены, што ў хуткім часе будзе адпаведная міжнародная рэакцыя з боку вернікаў-кальвіністаў.
Рэфармаваныя хрысьціяне існуюць у Беларусі з 1553 году. Было збудавана шмат храмаў. У ХVII ст. у часе Контррэфармацыі езуіты зруйнавалі некалькі храмаў. Пазьней, у ХХ стагодзьдзі, бальшавікі зруйнавалі яшчэ некалькі. Захаваўся храм, збудаваны ваяводам Глябовічам у Заслаўі ў сярэдзіне ХVI стагодзьдзя, і яшчэ — у Смаргоні й у Кухцічах. Там былі цэнтры Рэфармацыі, друкаваліся тэалягічныя кнігі. Цяпер будынкі належаць праваслаўным і каталікам.
Калі раней у часе ліквідацыі рэлігійных суполак сьвятары галоўнай прычынай называлі тое, што ня маюць грошай на арэнду такіх памяшканьняў, а дзяржава іх не дае, то кальвініст Леанід Ліпень заявіў у судзе, што байкатуе новы закон і патрабуе, каб кальвіністам вярнулі іхныя храмы, якія гістарычна былі замацаваны за гэтай канфэсіяй.
(Ліпень: ) “Мы ня можам прызнаць дыскрымінацыйнага закону. Ён парушае свабоду сумленьня. Нам трэба, каб вярнулі нам свабоду, каб вярнулі нам гістарычныя будынкі (хаця б адзін зь іх) і каб спынілі перасьлед. У нас сканфіскавалі ўсе будынкі. Сканфіскавалі, а цяпер патрабуюць нейкага юрыдычнага адрасу. Я думаю, што яны ўсё ведаюць. Ведаюць пра гісторыю рэфармацыі. Усё гэта зроблена сьвядома”.
Усясьветны альянс рэфармаваных цэркваў даслаў ліст на імя кіраўніка беларускай праваслаўнай царквы з Жэнэвы, у якім прасіў патрыяршага экзарха Філарэта паспрыяць вырашэньню пытаньня аб перадачы храму кальвіністаў у Заслаўі, дзе цяпер спраўляецца праваслаўнае набажэнства. Але — безвынікова.
(Ліпень: ) “Я сумняюся, што такія паводзіны, якія нават у праваслаўных называюцца сьвятатацтвам, могуць даваць падставу называць іх хрысьціянамі. Вы ўяўляеце сабе хрысьціяніна, які адбірае дом у іншага хрысьціяніна? Я не ўяўляю. Мне гэта неўцямна”.
Пастар Ліпень заявіў у судзе, што для яго галоўнае — гэта суд Божы. Ён назваў справу ліквідацыі царквы палітычнай і замоўленай уладамі. Сьвятар упэўнены, што ў хуткім часе будзе адпаведная міжнародная рэакцыя з боку вернікаў-кальвіністаў.
Рэфармаваныя хрысьціяне існуюць у Беларусі з 1553 году. Было збудавана шмат храмаў. У ХVII ст. у часе Контррэфармацыі езуіты зруйнавалі некалькі храмаў. Пазьней, у ХХ стагодзьдзі, бальшавікі зруйнавалі яшчэ некалькі. Захаваўся храм, збудаваны ваяводам Глябовічам у Заслаўі ў сярэдзіне ХVI стагодзьдзя, і яшчэ — у Смаргоні й у Кухцічах. Там былі цэнтры Рэфармацыі, друкаваліся тэалягічныя кнігі. Цяпер будынкі належаць праваслаўным і каталікам.
Гісторыя прысутнасьці ў Беларусі кальвіністаў налічвае некалькі стагодзьдзяў і зьвязана гэта з працэсам Рэфармацыі. Так, яшчэ ў 1617 годзе Януш Радзівіл заснаваў кальвінісцкую царкву ў Новым горадзе, на беразе ракі Случ. У Вялікім княстве Літоўскім кальвінісцкая царква мела назоў Літоўска-эвангелічна-рэфармацкае задзіночаньне.
У 1625 годзе кальвіністы заснавалі ў Вільні гімназію, якая лічыцца найстарэйшай навучальнай установай Беларусі. На працягу 300 гадоў свайго існаваньня Слуцкая гімназія дала Беларусі цэлы шэраг навукоўцаў, дасьледнікаў, грамадзкіх і царкоўных дзеячаў. Сярод іх вынаходнік сучаснага кірылічнага шрыфту Ільля Капіевіч, філёзаф і паэт Ян Белбоцкі, пісьменьнікі Альгерд Абуховіч, Антон Пяткевіч, славяназнаўца Зарыян Даленга-Хадакоўскі, мэдык Антон Красоўскі, астраном Вітольд Цэраскі, палітык і мэцэнат Эдвард Вайніловіч, і іншыя.
Да кальвінісцкай царквы належалі вядомыя асьветнікі 16-га стагодзьдзя Сымон Будны і Васіль Цяпінскі.
Сёньня па ўсім сьвеце кальвінісцкая царква (яна завецца таксама эвангельска-рэфармаванай) налічвае каля 60 мільёнаў вернікаў.
У апошнія гады ў Беларусі былі зачыненыя суполкі канфэсіяў, якія ўлады палічылі “сэктамі”.
Паводле Дзярждэпартаманту ЗША, Беларусь, разам з Кубай, Эгіптам і Нігерыяй уваходзіць у так званы “Watch List“, альбо сьпіс краінаў, за якімі трэба ўважліва назіраць, паколькі права на свабоду веравызнаньня ў іх выконваецца ня поўнасьцю.
У 1625 годзе кальвіністы заснавалі ў Вільні гімназію, якая лічыцца найстарэйшай навучальнай установай Беларусі. На працягу 300 гадоў свайго існаваньня Слуцкая гімназія дала Беларусі цэлы шэраг навукоўцаў, дасьледнікаў, грамадзкіх і царкоўных дзеячаў. Сярод іх вынаходнік сучаснага кірылічнага шрыфту Ільля Капіевіч, філёзаф і паэт Ян Белбоцкі, пісьменьнікі Альгерд Абуховіч, Антон Пяткевіч, славяназнаўца Зарыян Даленга-Хадакоўскі, мэдык Антон Красоўскі, астраном Вітольд Цэраскі, палітык і мэцэнат Эдвард Вайніловіч, і іншыя.
Да кальвінісцкай царквы належалі вядомыя асьветнікі 16-га стагодзьдзя Сымон Будны і Васіль Цяпінскі.
Сёньня па ўсім сьвеце кальвінісцкая царква (яна завецца таксама эвангельска-рэфармаванай) налічвае каля 60 мільёнаў вернікаў.
У апошнія гады ў Беларусі былі зачыненыя суполкі канфэсіяў, якія ўлады палічылі “сэктамі”.
Паводле Дзярждэпартаманту ЗША, Беларусь, разам з Кубай, Эгіптам і Нігерыяй уваходзіць у так званы “Watch List“, альбо сьпіс краінаў, за якімі трэба ўважліва назіраць, паколькі права на свабоду веравызнаньня ў іх выконваецца ня поўнасьцю.