“Сьвята вольнай беларускай паэзіі” мае распачацца сёньня пасьля заходу сонца, калі госьці ды ўдзельнікі паставяць свае намёты ўздоўж дняпроўскага берагу і запаляць вогнішча. Што будзе далей, ня ведае ніхто, бо ніякае адмысловае праграмы сьвята няма, а ўсіх ахвотных прыехаць на сьвята запрашалі абвесткай у газэце “Наша ніва”.
Спадар Генадзь, чый тэлефон быў пададзены ў абвестцы, адразу папрасіў, каб арганізатарам гэтае імпрэзы яго не лічылі. Бо ідэя праводзіць вольнае паэтычнае сьвята ў Ляўках нарадзілася неяк у часе сяброўскае бяседы на фэсьце “Аршанская бітва”, і аўтары абвесткі ўсяго толькі паспрабавалі увасобіць яе ў жыцьцё. Да таго ж арганізатарамі падобных імпрэзаў звычайна цікавяцца міліцыянты, калі заўважаюць бел-чырвона-белыя сьцягі на сваёй падведамаснай тэрыторыі. Таму і вядомы бардаўскі фэст “Бітва пад Воршай” ахоўнікам парадку звычайна прэзэнтуецца як “агульнанароднае сьвята” – на яго зьбіраюцца ўсе, хто хоча, а кіраўнікоў няма ніводнага.
Такім самым чынам, каб пазьбегнуць непажаданых канфліктаў, ладзіцца і “Сьвята вольнай беларускай паэзіі”. Фармат ягонага правядзеньня спадар Генадзь таксама прапануе самы просты.
(Генадзь: ) “Вогнішча, камень, на якім можна стаяць і чытаць вершы. Я думаю, гэта будзе сьвята вольных людзей, якія, можа, не ў пашане ў нашай улады. Каб людзі маглі выступіць, пачытаць – сказаць тое, што ў іх набалела. Такое сьвята варта было б запачаткаваць тут, на Аршаншчыне.”
Конкурсаў і, адпаведна, узнагародаў для ўдзельнікаў сьвята не прадугледжана. Хіба што тыя літаратары, якія ўжо маюць свае кнігі, могуць узяць з сабою колькі паасобнікаў, каб падарыць іх маладым ды невядомым калегам, творы якіх упадабаюць.
Спадар Генадзь, чый тэлефон быў пададзены ў абвестцы, адразу папрасіў, каб арганізатарам гэтае імпрэзы яго не лічылі. Бо ідэя праводзіць вольнае паэтычнае сьвята ў Ляўках нарадзілася неяк у часе сяброўскае бяседы на фэсьце “Аршанская бітва”, і аўтары абвесткі ўсяго толькі паспрабавалі увасобіць яе ў жыцьцё. Да таго ж арганізатарамі падобных імпрэзаў звычайна цікавяцца міліцыянты, калі заўважаюць бел-чырвона-белыя сьцягі на сваёй падведамаснай тэрыторыі. Таму і вядомы бардаўскі фэст “Бітва пад Воршай” ахоўнікам парадку звычайна прэзэнтуецца як “агульнанароднае сьвята” – на яго зьбіраюцца ўсе, хто хоча, а кіраўнікоў няма ніводнага.
Такім самым чынам, каб пазьбегнуць непажаданых канфліктаў, ладзіцца і “Сьвята вольнай беларускай паэзіі”. Фармат ягонага правядзеньня спадар Генадзь таксама прапануе самы просты.
(Генадзь: ) “Вогнішча, камень, на якім можна стаяць і чытаць вершы. Я думаю, гэта будзе сьвята вольных людзей, якія, можа, не ў пашане ў нашай улады. Каб людзі маглі выступіць, пачытаць – сказаць тое, што ў іх набалела. Такое сьвята варта было б запачаткаваць тут, на Аршаншчыне.”
Конкурсаў і, адпаведна, узнагародаў для ўдзельнікаў сьвята не прадугледжана. Хіба што тыя літаратары, якія ўжо маюць свае кнігі, могуць узяць з сабою колькі паасобнікаў, каб падарыць іх маладым ды невядомым калегам, творы якіх упадабаюць.