Пагадненьне аб супрацоўніцтве паміж НАТО і Расеяй рэгулюе розныя аспэкты знаходжаньня войскаў на тэрыторыі замежных дзяржаваў. Яно дазваляе транзыт войскаў НАТО праз расейскую тэрыторыю, у прыватнасьці дастаўку войскаў і абсталяваньня ў Аўганістан.
Нягледзячы на тое, што падпісанае пагадненьне аб вайсковым супрацоўніцтве накіраванае на актывізацыю партнэрства паміж НАТО і Расеяй, аналітыкі кажуць, што Масква ўсё яшчэ заклапочаная нядаўнім пашырэньнем Паўночнаатлянтычнага альянсу бліжэй да межаў Расеі.
Прадстаўнік НАТО Джэймс Эпэртурэй заявіў, што падпісанае пагадненьне паспрыяе больш эфэктыўнаму правядзеньню супольных вайсковых манэўраў ў Расеі ці краінах НАТО. І хаця расейскі парлямэнт яшчэ павінен ухваліць гэтае пагадненьне, Эпэртурэй гаворыць, што НАТО ўжо супрацоўнічае з Масквой у справе фармаваньня расейскіх міратворчых сілаў.
(Эпэртурэй: ) "Гэтае пагадненьне не набудзе моц адразу ж. Яго павінна ратыфікаваць ніжняя палата расейскага парлямэнту. І гэта ўнутраныя працэсы ў Расеі, якія маюць быць. Мы не чакаем ускладненьняў з гэтым. Застаецца яшчэ шэраг тэхнічных момантаў, якія неабходна выканаць. Мяркую ўсё ж, што ўсё гэта будзе завершана вельмі і вельмі хутка".
Генэральны сакратар НАТО Яп дэ Гоп Схефэр высока ацаніў дзейнасьць гэтак званага зьвязу НАТО-Расея, які выконвае камунікацыйную функцыю паміж Масквой і НАТО.
(Схефэр: ), "Зьвяз НАТО-Расея стаў эфэктыўным форумам для канкрэтнага практычнага супрацоўніцтва. Аднак аднолькава важная ягоная роля і як форуму для палітычнага дыялёгу, дзе ідзе адкрытае абмеркаваньне, – нават калі мы і ня можам цалкам пагадзіцца, – у атмасфэры сапраўднага партнэрства і пошуку наколькі магчыма агульных падыходаў да асноўных выклікаў у сьвеце”.
Пасьля падпісаньня пагадненьня міністар замежных справаў Расеі Сяргей Лаўроў заявіў журналістам у Вільні, што Масква адкідае нядаўнія заклікі ЗША і Эўразьвязу аб дэмакратызацыі і палітычных зьменах у Беларусі.
Паводле Лаўрова дэмакратычныя рэформы немагчыма прынесьці ў краіну звонку. Лаўроў гэтаксама крытычна паставіўся да заклікаў НАТО хутка вывесьці расейскія ваенныя базы з Грузіі. Паводле кіраўніка расейскага МЗС, Масква ўсё яшчэ вядзе перамовы на гэты конт з грузінскім прэзыдэнтам Міхаілам Саакашвілі.
У Вільні гэтаксама абмяркоўвалася магчымае далучэньне Ўкраіны да Паўночнаатлянтычнага альянсу. Аднак прадстаўнікі НАТО сказалі, што пакуль ня будуць прызначаць дакладнага тэрміну ўступленьня, каб не раздражняць Расею.
Нягледзячы на тое, што падпісанае пагадненьне аб вайсковым супрацоўніцтве накіраванае на актывізацыю партнэрства паміж НАТО і Расеяй, аналітыкі кажуць, што Масква ўсё яшчэ заклапочаная нядаўнім пашырэньнем Паўночнаатлянтычнага альянсу бліжэй да межаў Расеі.
Прадстаўнік НАТО Джэймс Эпэртурэй заявіў, што падпісанае пагадненьне паспрыяе больш эфэктыўнаму правядзеньню супольных вайсковых манэўраў ў Расеі ці краінах НАТО. І хаця расейскі парлямэнт яшчэ павінен ухваліць гэтае пагадненьне, Эпэртурэй гаворыць, што НАТО ўжо супрацоўнічае з Масквой у справе фармаваньня расейскіх міратворчых сілаў.
(Эпэртурэй: ) "Гэтае пагадненьне не набудзе моц адразу ж. Яго павінна ратыфікаваць ніжняя палата расейскага парлямэнту. І гэта ўнутраныя працэсы ў Расеі, якія маюць быць. Мы не чакаем ускладненьняў з гэтым. Застаецца яшчэ шэраг тэхнічных момантаў, якія неабходна выканаць. Мяркую ўсё ж, што ўсё гэта будзе завершана вельмі і вельмі хутка".
Генэральны сакратар НАТО Яп дэ Гоп Схефэр высока ацаніў дзейнасьць гэтак званага зьвязу НАТО-Расея, які выконвае камунікацыйную функцыю паміж Масквой і НАТО.
(Схефэр: ), "Зьвяз НАТО-Расея стаў эфэктыўным форумам для канкрэтнага практычнага супрацоўніцтва. Аднак аднолькава важная ягоная роля і як форуму для палітычнага дыялёгу, дзе ідзе адкрытае абмеркаваньне, – нават калі мы і ня можам цалкам пагадзіцца, – у атмасфэры сапраўднага партнэрства і пошуку наколькі магчыма агульных падыходаў да асноўных выклікаў у сьвеце”.
Пасьля падпісаньня пагадненьня міністар замежных справаў Расеі Сяргей Лаўроў заявіў журналістам у Вільні, што Масква адкідае нядаўнія заклікі ЗША і Эўразьвязу аб дэмакратызацыі і палітычных зьменах у Беларусі.
Паводле Лаўрова дэмакратычныя рэформы немагчыма прынесьці ў краіну звонку. Лаўроў гэтаксама крытычна паставіўся да заклікаў НАТО хутка вывесьці расейскія ваенныя базы з Грузіі. Паводле кіраўніка расейскага МЗС, Масква ўсё яшчэ вядзе перамовы на гэты конт з грузінскім прэзыдэнтам Міхаілам Саакашвілі.
У Вільні гэтаксама абмяркоўвалася магчымае далучэньне Ўкраіны да Паўночнаатлянтычнага альянсу. Аднак прадстаўнікі НАТО сказалі, што пакуль ня будуць прызначаць дакладнага тэрміну ўступленьня, каб не раздражняць Расею.
