Каля тысячы прадпрымальнікаў прыйшло сёньня ў барысаўскі Палац культуры на сустрэчу з прадстаўнікамі ўладаў. Цэнтральнай тэмай сустрэчы было абвешчана пытаньне спагнаньня з дробных бізнэсоўцаў падатку на дабаўленую вартасьць.
Як патлумачылі падатковыя інспэктары, новаўвядзеньне абгрунтаванае. Бізнэсоўцы, аднак, паводле іх лідэра Віктара Гарбачова, з гэтым ня пагадзіліся.
(Гарбачоў: ) “Мы выявілі сваё меркаваньне адмовай. Сход развальваўся на вачах. Тады я падняўся і выступіў. Зачытаў зварот барысаўскіх прадпрымальнікаў, дзе мы заявілі пра наш пратэст гэтаму новаўвядзеньню. Падпісала 1200 чалавек. Я перадаў яго падатковым інспэктарам. А яшчэ сказаў, каб яны склалі аналітычную запіску і перадалі наверх, у Адміністрацыю прэзыдэнта, што прадпрымальнікі Барысава ня прымаюць увядзеньне гэтага падатку. Пасьля майго выступу людзі падняліся і выйшлі”.
Адным з удзельнікаў сёньняшняй сустрэчы быў кіраўнік упраўленьня гандлю і камунальнай уласнасьці Барысаўскага гарвыканкаму Валеры Марынічаў. Аднак пракамэнтаваць дзеяньні барысаўскіх прадпрымальнікаў беларускай Свабодзе спадар Марынічаў адмовіўся.
Бізнэсовец Мікалай Віторскі лічыць, што ўлады занепакоеныя масавым характарам пратэсту.
(Віторскі: ) “Яны нават самі разумеюць абсурднасьць новаўвядзеньня. Я перакананы, што 10 лютага прадпрымальнікі ўсяе Беларусі спыняць працу і будуць страйкаваць. Спыняць працу таму, што асабіста я падлічыў свае выдаткі з улікам 18-працэнтнага падатку і зразумеў, што гэты падатак прывядзе мяне да банкруцтва. Мы цяпер ледзь выжываем. Улады загналі ў тупік эканоміку разам з прадпрымальнікамі”.
Паводле спадара Віторскага, 9 лютага барысаўскія прадпрымальнікі працягнуць падрыхтоўку да папераджальнага страйку.
Як патлумачылі падатковыя інспэктары, новаўвядзеньне абгрунтаванае. Бізнэсоўцы, аднак, паводле іх лідэра Віктара Гарбачова, з гэтым ня пагадзіліся.
(Гарбачоў: ) “Мы выявілі сваё меркаваньне адмовай. Сход развальваўся на вачах. Тады я падняўся і выступіў. Зачытаў зварот барысаўскіх прадпрымальнікаў, дзе мы заявілі пра наш пратэст гэтаму новаўвядзеньню. Падпісала 1200 чалавек. Я перадаў яго падатковым інспэктарам. А яшчэ сказаў, каб яны склалі аналітычную запіску і перадалі наверх, у Адміністрацыю прэзыдэнта, што прадпрымальнікі Барысава ня прымаюць увядзеньне гэтага падатку. Пасьля майго выступу людзі падняліся і выйшлі”.
Адным з удзельнікаў сёньняшняй сустрэчы быў кіраўнік упраўленьня гандлю і камунальнай уласнасьці Барысаўскага гарвыканкаму Валеры Марынічаў. Аднак пракамэнтаваць дзеяньні барысаўскіх прадпрымальнікаў беларускай Свабодзе спадар Марынічаў адмовіўся.
Бізнэсовец Мікалай Віторскі лічыць, што ўлады занепакоеныя масавым характарам пратэсту.
(Віторскі: ) “Яны нават самі разумеюць абсурднасьць новаўвядзеньня. Я перакананы, што 10 лютага прадпрымальнікі ўсяе Беларусі спыняць працу і будуць страйкаваць. Спыняць працу таму, што асабіста я падлічыў свае выдаткі з улікам 18-працэнтнага падатку і зразумеў, што гэты падатак прывядзе мяне да банкруцтва. Мы цяпер ледзь выжываем. Улады загналі ў тупік эканоміку разам з прадпрымальнікамі”.
Паводле спадара Віторскага, 9 лютага барысаўскія прадпрымальнікі працягнуць падрыхтоўку да папераджальнага страйку.
