За суткі да пачатку судовага працэсу над Міхаілам Марынічам, які да 2001 году быў беларускім амбасадарам у Латвіі, кіраўніцтва гэтай краіны абмеркавала шляхі мажлівай дапамогі яму. Прэзыдэнт Латвіі Вайра Віке-Фрэйбэрга, якая ўжо абяцала пільна сачыць за судом над Марынічам, сустрэлася з прэм’ер-міністрам Айгарсам Калвітысам, які пасьля гэтага заявіў, што афіцыйная Рыга можа зьвярнуцца ў міжнародныя інстытуцыі па абарону Міхаіла Марыніча.
Як распавёў Радыё Свабода прэсавы сакратар латвійскага прэм’ер-міністра Арна Пяткінс, назвы гэтых інстытуцыяў Айгарс Калвітыс яшчэ не падаваў, але заклапочанасьць справай Марыніча — гэта агульная пазыцыя ўсяе Латвіі:
(Пяткінс: ) “І прэзыдэнт, і міністар замежных справаў выказалі маральна-палітычную падтрымку. Найлепшыя спосабы выказваньня гэтай падтрымкі, напэўна, яшчэ будуць абмеркаваныя. Канкрэтна нічога не магу сказаць пакуль — у якія менавіта інстытуцыі мы будзем зьвяртацца. Але падтрымку выказалі ўжо”.
Неафіцыйна ў латвійскім урадзе называюць АБСЭ ды яе Парлямэнцкую асамблею, Камісію правоў чалавека ААН, структуры Эўразьвязу. У Рызе тлумачаць гэта тым, што ў ААН і АБСЭ ўваходзіць Беларусь, а Эўрапейскі Зьвяз мае большы ўплыў на Менск, чымсьці іншыя арганізацыі кшталту Рады Эўропы.
У офісе высокага прадстаўніка Эўразьвязу Хаўера Саляны пацьвердзілі, што будуць сачыць за працэсам над Міхаілам Марынічам. Адзін з супрацоўнікаў офісу, які прасіў не называць ягонага прозьвішча, сказаў, што беларускія ўлады прымеркавалі пачатак судовага працэсу да калядных вакацыяў у Эўропе, таму неадкладна падтрымаць ініцыятыву Латвіі будзе цяжка:
(Супрацоўнік: ) “Праблема ў тым, што цяпер Брусэль закрываецца на вакацыі. І гэта крыху складана”.
Але гэты брусэльскі чыноўнік сказаў, што справай Марыніча зоймуцца адразу пасьля Калядаў і Новага году. Ён таксама нагадаў, што яшчэ 16 верасьня Эўрапейскі парлямэнт прыняў дэклярацыю, якой асудзіў тыя захады, што былі зробленыя беларускімі ўладамі ў справе парушэньня правоў чалавека ды асноўных свабод. Эўрапарлямэнт заклікаў тады ж вызваліць Міхаіла Марыніча.
Як распавёў Радыё Свабода прэсавы сакратар латвійскага прэм’ер-міністра Арна Пяткінс, назвы гэтых інстытуцыяў Айгарс Калвітыс яшчэ не падаваў, але заклапочанасьць справай Марыніча — гэта агульная пазыцыя ўсяе Латвіі:
(Пяткінс: ) “І прэзыдэнт, і міністар замежных справаў выказалі маральна-палітычную падтрымку. Найлепшыя спосабы выказваньня гэтай падтрымкі, напэўна, яшчэ будуць абмеркаваныя. Канкрэтна нічога не магу сказаць пакуль — у якія менавіта інстытуцыі мы будзем зьвяртацца. Але падтрымку выказалі ўжо”.
Неафіцыйна ў латвійскім урадзе называюць АБСЭ ды яе Парлямэнцкую асамблею, Камісію правоў чалавека ААН, структуры Эўразьвязу. У Рызе тлумачаць гэта тым, што ў ААН і АБСЭ ўваходзіць Беларусь, а Эўрапейскі Зьвяз мае большы ўплыў на Менск, чымсьці іншыя арганізацыі кшталту Рады Эўропы.
У офісе высокага прадстаўніка Эўразьвязу Хаўера Саляны пацьвердзілі, што будуць сачыць за працэсам над Міхаілам Марынічам. Адзін з супрацоўнікаў офісу, які прасіў не называць ягонага прозьвішча, сказаў, што беларускія ўлады прымеркавалі пачатак судовага працэсу да калядных вакацыяў у Эўропе, таму неадкладна падтрымаць ініцыятыву Латвіі будзе цяжка:
(Супрацоўнік: ) “Праблема ў тым, што цяпер Брусэль закрываецца на вакацыі. І гэта крыху складана”.
Але гэты брусэльскі чыноўнік сказаў, што справай Марыніча зоймуцца адразу пасьля Калядаў і Новага году. Ён таксама нагадаў, што яшчэ 16 верасьня Эўрапейскі парлямэнт прыняў дэклярацыю, якой асудзіў тыя захады, што былі зробленыя беларускімі ўладамі ў справе парушэньня правоў чалавека ды асноўных свабод. Эўрапарлямэнт заклікаў тады ж вызваліць Міхаіла Марыніча.
