Вячаслаў Давыдовіч, выходзячы з будынку, дзе месьціцца офіс яго арганізацыі, убачыў, як невядомыя заклейваюць выбарчым плякатам кандыдата ад улады Ўладзімера Шокава плякат іншага кандыдата – Аляксандра Цынкевіча. Гэта ёсьць парушэньнем Выбарчага кодэксу, і Вячаслаў зрабіў ім заўвагу.
Калі Давыдовіч выказаў свае патрабаваньні больш настойліва, яго ўдарылі ў твар. Паводле Вячаслава Давыдовіча, да нападніка далучыўся яшчэ адзін – як пасьля высьветлілася, давераная асоба Ўладзімера Шокава, Аляксандар Яцук. Удваёх яны спрабавалі зацягнуць Вячаслава ў пад’езд дома. Давыдовіч гаворыць, што пры гэтым хуліганы яго зьбівалі, нецэнзурна лаяліся й запэцкалі клеем ягонае паліто.
Сьведкамі нападу было каля 10 чалавек, якія й выклікалі міліцыю. Патруль адвёз усіх затрыманых у пастарунак Цэнтральнага раёну Менску. Вячаслаў Давыдовіч напісаў заяву з просьбай узбудзіць па факце хуліганскага нападу крымінальную справу. Ён таксама прайшоў мэдычную экспэртызу, якая зафіксавала пабоі.
Актывісты ж каманды Ўладзімера Шокава сьцьвярджаюць, што гэта Давыдовіч напаў на іх. Вось, што сказаў з нагоды гэтага інцыдэнту кандыдат у дэпутаты Ўладзімер Шокаў, які таксама ёсьць кіраўніком менскай гарадзкой арганізацыі вэтэранаў вайны ў Афганістане “Памяць”:
(Шокаў: ) “Гэта міліцыя будзе разьбірацца, хто каго зьбіў. Павінна быць шчырая, адкрытая барацьба. Нічога ня трэба зрываць, трэба адкрыта адстойваць сваю думку. Хлапчына, якому 18 гадоў, малады “пацан” на дарослага чалавека, я думаю, ня кінецца”.
А вось меркаваньне Вячаслава Давыдовіча:
(Давыдовіч: ) “ Я не разумею гэтага! Я звычайны грамадзянін. Выходжу са свайго пад’езду й на мяне нападаюць. У гэтым выпадку – гэта проста беспакаранасьць. Гэта супрацьпраўныя, хуліганскія дзеяньні ў адносінах да звычайнага грамадзяніна”.
Вячаслаў Давыдовіч падаў заяву ў акруговую выбарчую камісію з просьбай пазбавіць рэгістрацыі кандыдата Ўладзімера Шокава. Міліцыя праводзіць расьсьледаваньне ў гэтай справе.
Калі Давыдовіч выказаў свае патрабаваньні больш настойліва, яго ўдарылі ў твар. Паводле Вячаслава Давыдовіча, да нападніка далучыўся яшчэ адзін – як пасьля высьветлілася, давераная асоба Ўладзімера Шокава, Аляксандар Яцук. Удваёх яны спрабавалі зацягнуць Вячаслава ў пад’езд дома. Давыдовіч гаворыць, што пры гэтым хуліганы яго зьбівалі, нецэнзурна лаяліся й запэцкалі клеем ягонае паліто.
Сьведкамі нападу было каля 10 чалавек, якія й выклікалі міліцыю. Патруль адвёз усіх затрыманых у пастарунак Цэнтральнага раёну Менску. Вячаслаў Давыдовіч напісаў заяву з просьбай узбудзіць па факце хуліганскага нападу крымінальную справу. Ён таксама прайшоў мэдычную экспэртызу, якая зафіксавала пабоі.
Актывісты ж каманды Ўладзімера Шокава сьцьвярджаюць, што гэта Давыдовіч напаў на іх. Вось, што сказаў з нагоды гэтага інцыдэнту кандыдат у дэпутаты Ўладзімер Шокаў, які таксама ёсьць кіраўніком менскай гарадзкой арганізацыі вэтэранаў вайны ў Афганістане “Памяць”:
(Шокаў: ) “Гэта міліцыя будзе разьбірацца, хто каго зьбіў. Павінна быць шчырая, адкрытая барацьба. Нічога ня трэба зрываць, трэба адкрыта адстойваць сваю думку. Хлапчына, якому 18 гадоў, малады “пацан” на дарослага чалавека, я думаю, ня кінецца”.
А вось меркаваньне Вячаслава Давыдовіча:
(Давыдовіч: ) “ Я не разумею гэтага! Я звычайны грамадзянін. Выходжу са свайго пад’езду й на мяне нападаюць. У гэтым выпадку – гэта проста беспакаранасьць. Гэта супрацьпраўныя, хуліганскія дзеяньні ў адносінах да звычайнага грамадзяніна”.
Вячаслаў Давыдовіч падаў заяву ў акруговую выбарчую камісію з просьбай пазбавіць рэгістрацыі кандыдата Ўладзімера Шокава. Міліцыя праводзіць расьсьледаваньне ў гэтай справе.
