Прэзыдэнцкая выбарчая кампанія 2006 году — трэцяя ў гісторыі незалежнай Беларусі. У мінулых кампаніях спрабавалі зарэгістравацца кандыдатамі на прэзыдэнта дзясяткі вядомых і ня вельмі вядомых асобаў, але ўдалося гэта толькі васьмярым палітыкам. У 1994 годзе на пасаду прэзыдэнта балятаваліся Вячаслаў Кебіч, Станіслаў Шушкевіч, Зянон Пазьняк, Аляксандар Лукашэнка, Васіль Новікаў і Аляксандар Дубко. Перамог Аляксандар Лукашэнка. Зь ім празь сем гадоў змагаліся за пасаду прэзыдэнта Ўладзімер Ганчарык і Сяргей Гайдукевіч. Як склаліся палітычныя лёсы прэтэндэнтаў?
Уладзімер Ганчарык, якога на выбарах 2001 году падтрымала большасьць апазыцыі, сабраў, паводле Цэнтравыбаркаму, крыху меней за 16% галасоў. Неўзабаве пасьля выбараў Уладзімер Ганчарык сышоў з пасады кіраўніка Фэдэрацыі беларускіх прафсаюзаў. Ён кажа, што гэта адбылося пад ціскам адміністрацыі прэзыдэнта і кансэрватыўных прафсаюзных дзеячаў. Зь Менску былы кандыдат на прэзыдэнта Беларусі часова зьяжджаў у Маскву, супрацоўнічаў зь міжнароднымі прафсаюзнымі арганізацыямі. Цяпер зноў у Менску, дапамагае змагацца за прэзыдэнцкую пасаду Аляксандру Казуліну. Уладзімер Ганчарык кажа, што за мінулыя пяць гадоў яму не прапаноўвалі ніякіх пасадаў у дзяржаўным апараце ці на вытворчасьці, а вось напярэдадні выбараў 2001 году яго спрабавалі вывесьці з палітыкі праз прывабныя прапановы.
(Ганчарык: ) “Прапаноўвалі працаваць за мяжой, у міжнароднай арганізацыі, ісьці ў парлямэнт. Але за гэта трэба было “здаць” некалькіх кіраўнікоў радыкальных прафсаюзаў, а самому не вылучацца на зьезьдзе на кіраўніка Фэдэрацыі. Але я гэта ўсё не прыняў, бо разумеў, што гэта не для мяне”.
Паводле Ўладзімера Ганчарыка, ягоныя сваякі дагэтуль маюць непрыемнасьці з-за таго, што ён вылучаўся ад апазыцыі на былых выбарах прэзыдэнта. “Але ніхто са сваякоў мяне ніколі за гэта не папракнуў”, — кажа Ўладзімер Ганчарык.
Лідэр лібэральна-дэмакратычнай партыі Беларусі Сяргей Гайдукевіч на мінулых выбарах атрымаў амаль 2,5% галасоў. Гэты вынік не перашкодзіў яму захаваць лідэрства ў партыі, але пазьней вялікая частка партыйцаў з ЛДПБ сышла, абвінаваціўшы Сяргея Гайдукевіча ў аўтарытарным стылі кіраваньня. Год таму Сяргей Гайдукевіч абраўся дэпутатам у парлямэнт, цяпер спрабуе зноў стаць прэзыдэнтам. Пра свае пляны ў выпадку чарговай няўдачы Сяргей Гайдукевіч кажа няпэўна:
(Гайдукевіч: ) “Ну, чым можа займацца чалавек, які другі раз ідзе ў прэзыдэнты? Вы задаяце пытаньне, на якое я ня ведаю адказу. Цяпер маё імя ведаюць у вёсках, кожны чалавек ведае. Чым буду займацца? Актыўнай палітычнай дзейнасьцю”.
Як склаліся лёсы кандыдатаў выбарчай кампаніі 1994 году? Памёр калгасны старшыня з Гарадзеншчыны Аляксандар Дубко; былы прэм’ер Вячаслаў Кебіч пабыў дэпутатам, цяпер на пэнсіі. Некалькі гадоў таму атрымаў дзяржаўную пасаду былы віцэ-сьпікер Вярхоўнага Савету 13 скліканьня Васіль Новікаў, цяпер ён працуе дырэктарам Інстытуту філязофіі Акадэміі навук. Заснавальнік БНФ Зянон Пазьняк з 1996 году ў палітычнай эміграцыі, а цяпер спрабуе зноў зарэгістравацца кандыдатам — як і былы дэпутат Сяргей Скрабец. Меўся зноў ісьці ў прэзыдэнты былы амбасадар Міхаіл Марыніч, але ў гэтых выбарах яму ўдзельнічаць не давядзецца, паколькі Марыніч быў асуджаны за крадзеж маёмасьці. Пасьля працы дырэктарам заводу лядоўняў “Атлянт” пайшоў у манастыр Леанід Калугін. Пяць гадоў таму яму таксама не ўдалося сабраць 100 тысяч подпісаў для вылучэньня.
Гл. таксама Былы кандыдат на прэзыдэнта Сямён Домаш стаў дырэктарам заводу
Уладзімер Ганчарык, якога на выбарах 2001 году падтрымала большасьць апазыцыі, сабраў, паводле Цэнтравыбаркаму, крыху меней за 16% галасоў. Неўзабаве пасьля выбараў Уладзімер Ганчарык сышоў з пасады кіраўніка Фэдэрацыі беларускіх прафсаюзаў. Ён кажа, што гэта адбылося пад ціскам адміністрацыі прэзыдэнта і кансэрватыўных прафсаюзных дзеячаў. Зь Менску былы кандыдат на прэзыдэнта Беларусі часова зьяжджаў у Маскву, супрацоўнічаў зь міжнароднымі прафсаюзнымі арганізацыямі. Цяпер зноў у Менску, дапамагае змагацца за прэзыдэнцкую пасаду Аляксандру Казуліну. Уладзімер Ганчарык кажа, што за мінулыя пяць гадоў яму не прапаноўвалі ніякіх пасадаў у дзяржаўным апараце ці на вытворчасьці, а вось напярэдадні выбараў 2001 году яго спрабавалі вывесьці з палітыкі праз прывабныя прапановы.
(Ганчарык: ) “Прапаноўвалі працаваць за мяжой, у міжнароднай арганізацыі, ісьці ў парлямэнт. Але за гэта трэба было “здаць” некалькіх кіраўнікоў радыкальных прафсаюзаў, а самому не вылучацца на зьезьдзе на кіраўніка Фэдэрацыі. Але я гэта ўсё не прыняў, бо разумеў, што гэта не для мяне”.
Паводле Ўладзімера Ганчарыка, ягоныя сваякі дагэтуль маюць непрыемнасьці з-за таго, што ён вылучаўся ад апазыцыі на былых выбарах прэзыдэнта. “Але ніхто са сваякоў мяне ніколі за гэта не папракнуў”, — кажа Ўладзімер Ганчарык.
Лідэр лібэральна-дэмакратычнай партыі Беларусі Сяргей Гайдукевіч на мінулых выбарах атрымаў амаль 2,5% галасоў. Гэты вынік не перашкодзіў яму захаваць лідэрства ў партыі, але пазьней вялікая частка партыйцаў з ЛДПБ сышла, абвінаваціўшы Сяргея Гайдукевіча ў аўтарытарным стылі кіраваньня. Год таму Сяргей Гайдукевіч абраўся дэпутатам у парлямэнт, цяпер спрабуе зноў стаць прэзыдэнтам. Пра свае пляны ў выпадку чарговай няўдачы Сяргей Гайдукевіч кажа няпэўна:
(Гайдукевіч: ) “Ну, чым можа займацца чалавек, які другі раз ідзе ў прэзыдэнты? Вы задаяце пытаньне, на якое я ня ведаю адказу. Цяпер маё імя ведаюць у вёсках, кожны чалавек ведае. Чым буду займацца? Актыўнай палітычнай дзейнасьцю”.
Як склаліся лёсы кандыдатаў выбарчай кампаніі 1994 году? Памёр калгасны старшыня з Гарадзеншчыны Аляксандар Дубко; былы прэм’ер Вячаслаў Кебіч пабыў дэпутатам, цяпер на пэнсіі. Некалькі гадоў таму атрымаў дзяржаўную пасаду былы віцэ-сьпікер Вярхоўнага Савету 13 скліканьня Васіль Новікаў, цяпер ён працуе дырэктарам Інстытуту філязофіі Акадэміі навук. Заснавальнік БНФ Зянон Пазьняк з 1996 году ў палітычнай эміграцыі, а цяпер спрабуе зноў зарэгістравацца кандыдатам — як і былы дэпутат Сяргей Скрабец. Меўся зноў ісьці ў прэзыдэнты былы амбасадар Міхаіл Марыніч, але ў гэтых выбарах яму ўдзельнічаць не давядзецца, паколькі Марыніч быў асуджаны за крадзеж маёмасьці. Пасьля працы дырэктарам заводу лядоўняў “Атлянт” пайшоў у манастыр Леанід Калугін. Пяць гадоў таму яму таксама не ўдалося сабраць 100 тысяч подпісаў для вылучэньня.
Гл. таксама Былы кандыдат на прэзыдэнта Сямён Домаш стаў дырэктарам заводу
