Выступаючы на сэсіі, кіраўнік абласной “вэртыкалі” Ўладзімер Андрэйчанка патлумачыў зьмену кіраўніцтва горада “меркаваньнямі плянавай ратацыі кадраў, а таксама ўзроставым фактарам і станам здароўя папярэдняга кіраўніка”.
Папярэдні старшыня гарвыканкаму Аляксандар Камароў, які прабыў на гэтай пасадзе блізу дзесяці гадоў, зьехаў на лекаваньне ў адну з эўрапейскіх краінаў і прызначаным часам дахаты не вярнуўся. Па горадзе цыркулююць чуткі пра тое, што ў спадара Камарова былі падставы не вяртацца на Радзіму.
Новапрызначаная старшыня Наталя Качанава нарадзілася ў 1960 годзе. Свойчас скончыла Наваполацкі політэхнічны інстытут і цягам дваццаці гадоў працавала ў сыстэме жыльлёва-камунальнай гаспадаркі. Апошняе яе месца працы – намесьнік старшыні Полацкага гарвыканкаму.
Як прызнаўся галава абласной “вэртыкалі”, працаваць Наталі Качанавай давядзецца напоўніцу. Паводле спадара Андрэйчанкі, у Наваполацку ад 2004 году не выконваецца праграма будаўніцтва жытла, не выконваецца таксама палова паказьнікаў эканамічнага разьвіцьця. Да таго ж, 14,5 % суб’ектаў гаспадараньня зьяўляюцца стратнымі.
Шмат праблемаў і з добраўпарадкаваньнем горада вялікай хіміі. Каторы год ня могуць давесьці да ладу цэнтральны наваполацкі пляц, а некаторыя вуліцы чакаюць на рамонт і рэканструкцыю ўжо не гадамі, а дзесяцігодзьдзямі. Гэта тычыцца, у прыватнасьці, вуліцы Школьнай.
За часамі кіраваньня Аляксандра Камарова – пра гэта, праўда, на сэсіі не казалі – у Наваполацку былі зачыненыя беларускія клясы, спыненае выданьне газэты “Химик» і практычна разагнаныя шматлікія моладзевыя суполкі і аб’яднаньні, а ўсе беларускамоўныя шыльды перарабілі на расейскамоўныя..
Папярэдні старшыня гарвыканкаму Аляксандар Камароў, які прабыў на гэтай пасадзе блізу дзесяці гадоў, зьехаў на лекаваньне ў адну з эўрапейскіх краінаў і прызначаным часам дахаты не вярнуўся. Па горадзе цыркулююць чуткі пра тое, што ў спадара Камарова былі падставы не вяртацца на Радзіму.
Новапрызначаная старшыня Наталя Качанава нарадзілася ў 1960 годзе. Свойчас скончыла Наваполацкі політэхнічны інстытут і цягам дваццаці гадоў працавала ў сыстэме жыльлёва-камунальнай гаспадаркі. Апошняе яе месца працы – намесьнік старшыні Полацкага гарвыканкаму.
Як прызнаўся галава абласной “вэртыкалі”, працаваць Наталі Качанавай давядзецца напоўніцу. Паводле спадара Андрэйчанкі, у Наваполацку ад 2004 году не выконваецца праграма будаўніцтва жытла, не выконваецца таксама палова паказьнікаў эканамічнага разьвіцьця. Да таго ж, 14,5 % суб’ектаў гаспадараньня зьяўляюцца стратнымі.
Шмат праблемаў і з добраўпарадкаваньнем горада вялікай хіміі. Каторы год ня могуць давесьці да ладу цэнтральны наваполацкі пляц, а некаторыя вуліцы чакаюць на рамонт і рэканструкцыю ўжо не гадамі, а дзесяцігодзьдзямі. Гэта тычыцца, у прыватнасьці, вуліцы Школьнай.
За часамі кіраваньня Аляксандра Камарова – пра гэта, праўда, на сэсіі не казалі – у Наваполацку былі зачыненыя беларускія клясы, спыненае выданьне газэты “Химик» і практычна разагнаныя шматлікія моладзевыя суполкі і аб’яднаньні, а ўсе беларускамоўныя шыльды перарабілі на расейскамоўныя..
