Удзельнікі страйку сустрэліся ў Менску з начальнікам упраўленьня прадпрымальніцтва Менгарвыканкаму Аляксандрам Каліноўскім. Сустрэча праходзіла ў гарадзкім Цэнтры нерухомасьці.
Паводле сябра аргкамітэту ў стварэньні грамадзкага аб’яднаньня “За свабоднае разьвіцьцё прадпрымальніцтва” Мікалая Рамашына, сустрэчу арганізавалі, каб зьняць напружаньне сярод бізнэсоўцаў:
“Ніхто нічога адтуль істотнага ня вынес. Зноў жа — ён сказаў: вы давайце нам прапановы, а мы будзем разглядаць. Гэтых прапановаў было напісана ўжо тысячы. Пераход у гэтыя “чупы” (прыватнае ўнітарнае прадпрыемства. — А.Д.) проста не прадуманы. Проста чыноўнікам вельмі хочацца загнаць нас усіх у “чупы”. І зноў жа ўся гэтая сыстэма празрыстасьці эканоміцы не прыносіць. Шмат прапановаў ужо падавалася. У мяне ўжо ў машыну ня ўлазяць усе гэтыя прапановы”.
Сёньня ў Слоніме частка індывідуальных прадпрымальнікаў ня выйшла на працу і працягвае страйкаваць.
Адзін зь бізнэсоўцаў, які не пажадаў назваць свайго імя, сказаў:
“Яны не выходзяць ад 1 кастрычніка. Страйк можа быць бестэрміновы — пакуль яны ня вырашаць сваіх праблемаў. Пакуль яны сказалі так: мы ня выйдзем да таго часу, пакуль ня вырашым гэтай праблемы, хаця б адмяніць штрафныя санкцыі й канфіскацыі. Спыніць праверку кнігаў, зрабіць мараторый”.
Да страйкоўцаў у Слонім прыехалі чыноўнікі з вобласьці.
Старшыня аргкамітэту ў стварэньні грамадзкага аб’яднаньня “За свабоднае разьвіцьцё прадпрымальніцтва” Віктар Гарбачоў пра ўчорашні агульнарэспубліканскі страйк заявіў:
“Я думаю, што вынік ёсьць, калі па рынках ходзяць чыноўнікі, пачынаюць сёньня пранюхваць, чаму страйкавалі. Недзе некага ў адміністрацыю выклікаюць. Гэта агульная сытуацыя ў гарадах. Калі сёньня ў Менску селі за стол перамоваў, нават імітуюць іх, гэта сьведчыць пра тое, што ўлада напужаная. Яны не чакалі, што столькі народу спыніцца пры такім малым інфармаваньні”.
Паводле зьвестак аргкамітэту ў стварэньні рэспубліканскага грамадзкага аб’яднаньня “За свабоднае разьвіцьцё прадпрымальніцтва”, разам страйкавалі каля 30 тысяч чалавек. Гэта бізнэсоўцы Менску, Бабруйску, Віцебску, Рэчыцы, Баранавічаў, Сьветлагорску, Слуцку, Барысава, Пінску і іншых гарадоў.
У дэпартамэнце прадпрымальніцтва Міністэрства эканомікі заявілі, што страйкавалі толькі ў Менску. Астатнія зьвесткі, маўляў, пакуль толькі зьбіраюць.
Віктар Гарбачоў заявіў:
“У гарадах правялі анкетаваньне на тых рынках, дзе праходзіў страйк. І ўчора на рынках прымалася рашэньне, што калі 760-ты і 302-гі ўказы прэзыдэнта не адменяць і рэпрэсіі ня спыняцца супраць прадпрымальнікаў, то з новага году аб’явяць бестэрміновы, без аплаты падатку страйк — ад 1 студзеня. Нехта прапаноўваў ад 1 лістапада, але бальшыня выказалася за 1 студзеня. За спыненьне ўсіх рынкаў Беларусі”.
На страйк прадпрымальнікаў у Менску прыехалі гарадзкія чыноўнікі, 2.10.2007 Фотарэпартаж са страйку прадпрымальнікаў, 2.10.2007
Паводле сябра аргкамітэту ў стварэньні грамадзкага аб’яднаньня “За свабоднае разьвіцьцё прадпрымальніцтва” Мікалая Рамашына, сустрэчу арганізавалі, каб зьняць напружаньне сярод бізнэсоўцаў:
“Ніхто нічога адтуль істотнага ня вынес. Зноў жа — ён сказаў: вы давайце нам прапановы, а мы будзем разглядаць. Гэтых прапановаў было напісана ўжо тысячы. Пераход у гэтыя “чупы” (прыватнае ўнітарнае прадпрыемства. — А.Д.) проста не прадуманы. Проста чыноўнікам вельмі хочацца загнаць нас усіх у “чупы”. І зноў жа ўся гэтая сыстэма празрыстасьці эканоміцы не прыносіць. Шмат прапановаў ужо падавалася. У мяне ўжо ў машыну ня ўлазяць усе гэтыя прапановы”.
Сёньня ў Слоніме частка індывідуальных прадпрымальнікаў ня выйшла на працу і працягвае страйкаваць.
Адзін зь бізнэсоўцаў, які не пажадаў назваць свайго імя, сказаў:
“Яны не выходзяць ад 1 кастрычніка. Страйк можа быць бестэрміновы — пакуль яны ня вырашаць сваіх праблемаў. Пакуль яны сказалі так: мы ня выйдзем да таго часу, пакуль ня вырашым гэтай праблемы, хаця б адмяніць штрафныя санкцыі й канфіскацыі. Спыніць праверку кнігаў, зрабіць мараторый”.
Да страйкоўцаў у Слонім прыехалі чыноўнікі з вобласьці.
Старшыня аргкамітэту ў стварэньні грамадзкага аб’яднаньня “За свабоднае разьвіцьцё прадпрымальніцтва” Віктар Гарбачоў пра ўчорашні агульнарэспубліканскі страйк заявіў:
“Я думаю, што вынік ёсьць, калі па рынках ходзяць чыноўнікі, пачынаюць сёньня пранюхваць, чаму страйкавалі. Недзе некага ў адміністрацыю выклікаюць. Гэта агульная сытуацыя ў гарадах. Калі сёньня ў Менску селі за стол перамоваў, нават імітуюць іх, гэта сьведчыць пра тое, што ўлада напужаная. Яны не чакалі, што столькі народу спыніцца пры такім малым інфармаваньні”.
Паводле зьвестак аргкамітэту ў стварэньні рэспубліканскага грамадзкага аб’яднаньня “За свабоднае разьвіцьцё прадпрымальніцтва”, разам страйкавалі каля 30 тысяч чалавек. Гэта бізнэсоўцы Менску, Бабруйску, Віцебску, Рэчыцы, Баранавічаў, Сьветлагорску, Слуцку, Барысава, Пінску і іншых гарадоў.
У дэпартамэнце прадпрымальніцтва Міністэрства эканомікі заявілі, што страйкавалі толькі ў Менску. Астатнія зьвесткі, маўляў, пакуль толькі зьбіраюць.
Віктар Гарбачоў заявіў:
“У гарадах правялі анкетаваньне на тых рынках, дзе праходзіў страйк. І ўчора на рынках прымалася рашэньне, што калі 760-ты і 302-гі ўказы прэзыдэнта не адменяць і рэпрэсіі ня спыняцца супраць прадпрымальнікаў, то з новага году аб’явяць бестэрміновы, без аплаты падатку страйк — ад 1 студзеня. Нехта прапаноўваў ад 1 лістапада, але бальшыня выказалася за 1 студзеня. За спыненьне ўсіх рынкаў Беларусі”.
На страйк прадпрымальнікаў у Менску прыехалі гарадзкія чыноўнікі, 2.10.2007 Фотарэпартаж са страйку прадпрымальнікаў, 2.10.2007
