Сябры Беларускай асацыяцыі журналістаў з розных недзяржаўных выданьняў, а таксама калегі Зьмітра Завадзкага зь менскага карпункту ОРТ сабраліся каля пад’езду дома № 70 на вуліцы Данілы Сердзіча. Адсюль сем гадоў таму выйшаў Зьміцер Завадзкі і накіраваўся да свайго аўтамабіля, каб ехаць у аэрапорт сустракаць Паўла Шарамета. Хто і ў якім месцы выкраў Зьмітра – дагэтуль невядома.
У аэрапорце знайшлі машыну апэратара. Яе дагляд нічога ня даў сьледчым – злачынцы зьнішчылі ўсе адбіткі пальцаў. Суд пакараў зьняволеньнем так званую “групоўку Ігнатовіча”. Злачынцам, у склад якіх трапілі былыя спэцназаўцы, апроч іншых цяжкіх злачынстваў інкрымінавалі выкраданьне Зьмітра Завадзкага. Але суд так і ня высьветліў, што зь ім здарылася і дзе ён знаходзіцца.
Першы расейскі тэлеканал штогод узнагароджвае журналістаў прэміяй імя Зьмітра Завадзкага за мужнасьць і прафэсійнасьць.
Сёньня журналісты ўсталявалі карзіны з кветкамі і партрэты Зьмітра Завадзкага з патрабаваньнем даць адказ, дзе іх калега. Да журналістаў далучылася маці Зьмітра Вольга Рыгораўна:
"Канечне, на сёньняшні дзень цяжка спадзявацца, што гэта ўсё адкрыецца. Але надзея памірае апошняй – усё зьмяняецца..."
![Маці Зьмітра Завадзкага Вольга; партрэт Зьмітра Завадзкага перад домам, дзе ён жыў да свайго зьнікненьня, 7-я гадавіна](http://gdb.rferl.org/F2387138-7896-4AE2-B9B2-17F126708CE1.JPG)
Вольга Завадзкая
Гаворыць карэспандэнт менскага карпункту ОРТ Зьміцер Наважылаў:
"Я зьвярнуў увагу, што з кожным годам усё менш і менш людзей зьбіраецца, памятае пра гэтую дату, пра тое, што Дзіма быў і што цяпер яго няма. Балюча, вельмі балюча".
![Калегі Зьмітра Завадзкага перад домам, дзе ён жыў да свайго зьнікненьня, 7-я гадавіна](http://gdb.rferl.org/5153E89D-8F6B-4464-9B36-69CF82DCDD65.JPG)
Журналіст Уладзімір Дзюба зьвярнуўся да прысутных:
“Для многіх маіх калег, для мяне асабіста – гэта яшчэ і дзень прафэсійнага сумленьня. Гэты дзень – яшчэ адзін напамін тым, якія сядзяць ва ўладных кабінэтах, якія абяцалі расьсьледаваць гэтае злачынства, але ж нічога не зрабілі. Дзеля нашай прафэсіі мы павінны рабіць справу – пісаць, здымаць тыя кадры, тыя стужкі, якія не пасьпеў зьняць Дзіма".
Партрэты і кветкі журналісты пакінулі каля пад’езду. Жыхары дому запэўнілі іх, што памятаюць пра Дзіму і спадзяюцца, што ў хуткім часе стане вядомы ягоны лёс.
![Партрэт Зьмітра Завадзкага перад домам, дзе ён жыў да свайго зьнікненьня, 7-я гадавіна](http://gdb.rferl.org/C473928E-F8F0-4221-BB94-2B1ADE496D15.JPG)
![Партрэт Зьмітра Завадзкага перад домам, дзе ён жыў да свайго зьнікненьня, 7-я гадавіна](http://gdb.rferl.org/0A13B1C8-2583-43F1-A883-1C8CAA0A67D4.JPG)
Сёньня – шэсьць гадоў з дня зьнікненьня Зьмітра Завадзкага 07.07.2006 “Рэпартэры бязь межаў” нагадваюць пра лёс Зьмітра Завадзкага 07.07.2005
У аэрапорце знайшлі машыну апэратара. Яе дагляд нічога ня даў сьледчым – злачынцы зьнішчылі ўсе адбіткі пальцаў. Суд пакараў зьняволеньнем так званую “групоўку Ігнатовіча”. Злачынцам, у склад якіх трапілі былыя спэцназаўцы, апроч іншых цяжкіх злачынстваў інкрымінавалі выкраданьне Зьмітра Завадзкага. Але суд так і ня высьветліў, што зь ім здарылася і дзе ён знаходзіцца.
Першы расейскі тэлеканал штогод узнагароджвае журналістаў прэміяй імя Зьмітра Завадзкага за мужнасьць і прафэсійнасьць.
Сёньня журналісты ўсталявалі карзіны з кветкамі і партрэты Зьмітра Завадзкага з патрабаваньнем даць адказ, дзе іх калега. Да журналістаў далучылася маці Зьмітра Вольга Рыгораўна:
"Канечне, на сёньняшні дзень цяжка спадзявацца, што гэта ўсё адкрыецца. Але надзея памірае апошняй – усё зьмяняецца..."
Вольга Завадзкая
Гаворыць карэспандэнт менскага карпункту ОРТ Зьміцер Наважылаў:
"Я зьвярнуў увагу, што з кожным годам усё менш і менш людзей зьбіраецца, памятае пра гэтую дату, пра тое, што Дзіма быў і што цяпер яго няма. Балюча, вельмі балюча".
Журналіст Уладзімір Дзюба зьвярнуўся да прысутных:
“Для многіх маіх калег, для мяне асабіста – гэта яшчэ і дзень прафэсійнага сумленьня. Гэты дзень – яшчэ адзін напамін тым, якія сядзяць ва ўладных кабінэтах, якія абяцалі расьсьледаваць гэтае злачынства, але ж нічога не зрабілі. Дзеля нашай прафэсіі мы павінны рабіць справу – пісаць, здымаць тыя кадры, тыя стужкі, якія не пасьпеў зьняць Дзіма".
Партрэты і кветкі журналісты пакінулі каля пад’езду. Жыхары дому запэўнілі іх, што памятаюць пра Дзіму і спадзяюцца, што ў хуткім часе стане вядомы ягоны лёс.
Сёньня – шэсьць гадоў з дня зьнікненьня Зьмітра Завадзкага 07.07.2006 “Рэпартэры бязь межаў” нагадваюць пра лёс Зьмітра Завадзкага 07.07.2005