Дваццаць сёмы “Дзеяслоў” адкрывае беларускаму чытачу невядомую швэдзкую сучасную драматургію. Гэта ўрыўкі зь п’есаў выбітных аўтараў са Скандынавіі Катарыны Фростансан, Сьціга Ларсана і Астрыд Тронцыг. Іх пераклаў наш зямляк Дзьмітры Плакс, які цяпер жыве ў Стакгольме. Ягоная п’еса “Барух Эмануэль” таксама зацікавіць чытача сваёй не традыцыйнай для беларускага тэатру эстэтыкай.
Галоўны рэдактар “Дзеяслова” Барыс Пятровіч кажа, што гэтыя публікацыі – толькі пачатак праекту па знаёмстве беларусаў з сучаснай швэдзкай літаратурай:
“У нашых плянах таксама публікацыя, можа быць, асобнага нумару, прысьвечанага сучаснай швэдзкай літаратуры, у тым ліку і паэзіі, і прозе”.
Працяг знаёмства з тым ці іншым аўтарам, стылем, тэмай – гэта ўжо традыцыя часопіса. Чацьверты год з нумара ў нумар “Дзеяслоў” друкуе творчую спадчыну Васіля Быкава. У дваццаць сёмым нумары завяршаецца публікацыя шматгадовае перапіскі народнага пісьменьніка з вядомым расейскім літаратуразнаўцам Лазарам Лазаравым. Што зь неапублікаванае спадчыны Быкава чакае чытача ў наступных нумарах, гаворыць галоўны рэдактар Барыс Пятровіч:
“Што тычыцца эпісталярнай спадчыны, то мы будзем працягваць яе друкаваць і ў нас ёсьць што друкаваць. Апроч яе засталіся неапублікаваныя незакончаныя творы Быкава і ў бліжэйшых нумарах мы мяркуем надрукаваць апавяданьне Васіля Ўладзімеравіча, якое нам перадала Ірына Міхайлаўна Быкава”.
Прачытаць усё гэта, кажа спадар Пятровіч, можна, аформіўшы праз “Белпошту” падпіску на “Дзеяслоў”, бо ён, як і іншыя незалежныя выданьні, па-ранейшаму не распаўсюджваецца праз шапікі “Белсаюздруку” і толькі некалькі менскіх кнігарняў бяруць яго на продаж.
Галоўны рэдактар “Дзеяслова” Барыс Пятровіч кажа, што гэтыя публікацыі – толькі пачатак праекту па знаёмстве беларусаў з сучаснай швэдзкай літаратурай:
“У нашых плянах таксама публікацыя, можа быць, асобнага нумару, прысьвечанага сучаснай швэдзкай літаратуры, у тым ліку і паэзіі, і прозе”.
Працяг знаёмства з тым ці іншым аўтарам, стылем, тэмай – гэта ўжо традыцыя часопіса. Чацьверты год з нумара ў нумар “Дзеяслоў” друкуе творчую спадчыну Васіля Быкава. У дваццаць сёмым нумары завяршаецца публікацыя шматгадовае перапіскі народнага пісьменьніка з вядомым расейскім літаратуразнаўцам Лазарам Лазаравым. Што зь неапублікаванае спадчыны Быкава чакае чытача ў наступных нумарах, гаворыць галоўны рэдактар Барыс Пятровіч:
“Што тычыцца эпісталярнай спадчыны, то мы будзем працягваць яе друкаваць і ў нас ёсьць што друкаваць. Апроч яе засталіся неапублікаваныя незакончаныя творы Быкава і ў бліжэйшых нумарах мы мяркуем надрукаваць апавяданьне Васіля Ўладзімеравіча, якое нам перадала Ірына Міхайлаўна Быкава”.
Прачытаць усё гэта, кажа спадар Пятровіч, можна, аформіўшы праз “Белпошту” падпіску на “Дзеяслоў”, бо ён, як і іншыя незалежныя выданьні, па-ранейшаму не распаўсюджваецца праз шапікі “Белсаюздруку” і толькі некалькі менскіх кнігарняў бяруць яго на продаж.
