У Цэнтральным райаддзеле гомельскай міліцыі сапраўды ёсьць заява жыхаркі з вуліцы Хатаевіча: увечары ў вокны стукае нехта невядомы. Да таго ж тэлепатычным чынам уключаўся тэлевізар.
Заяву загадвалі праверыць участковаму інспэктару Ўладзіславу Шукелю. На вуліцу Хатаевіча выяжджала таксама апэратыўна-сьледчая група з кінолягам і экспэртам-крыміналістам. Але нейкіх сьлядоў прысутнасьці здані міліцыянты не здабылі. Пабывала там і я.
Паўз выселеныя прыватныя дамы на вуліцы Хатаевіча імчаць у цэнтар гораду легкавікі ды аўтобусы. За жалезай брамай у доме №6 падае голас ня надта злосны дварняк.
У гэтыя дні на вуліцы Хатаевіча працуюць рабочыя спэцыялізаванага прадпрыемства “Палесьсе” – зносяць старыя драўляныя дамы ды шматлікія прыбудоўкі, каб пашырыць вуліцу і зьвязаць тралейбусным рухам 17-ы мікрараён з цэнтральнай часткай гораду.
Некалькі дамоў рабочыя ўжо зьнесьлі і сёньня ці заўтра пачнуць разьбіраць і дом №18, дзе нібыта й шкодзілі прывіды.
Сьлядоў прысутнасьці нейкіх зданяў ні рабочыя, ні я не заўважаем нават на чыстым сьнезе.
“Рыхтуем вуліцу пад аўтамагістраль. Пакуль зьнесьлі чатыры дамы. Бабайку ня бачылі”, – разьвесяліўся майстра Андрэй.
Вуліца носіць імя бальшавіцкага партыйнага дзеяча даваеннага часу Мэндэля Хатаевіча, рэпрэсаванага ў 1939 годзе. Таму трактарыст, схільны да прымхаў, выказвае мне сваё нечаканае меркаваньне:
Трактарыcт: “Можа быць, ходзіць дух гэтага Хатаевіча? А можа, барабашка які”?
Аднак бальшыня рабочых, што часта працуюць у гарадзкіх ламарнях, запэўніваюць мяне: няма тут нейкіх звышнатуральных зданяў.
Рабочы: “Каб пабачыў, то паверыў бы. А так – не! У Нова-Прудкоўскім завулку мы зносілі дамы, дык там бамжы жылі. Мы прыехалі, і яны сышлі”.
Жанчына з кандытарскай фабрыкі “Спартак”, што месьціцца на другім баку вуліцы Хатаевіча, жартуе наконт прывідаў:
Жанчына: “А-а, мы самі ў прывідах ужо ходзім. Можна верыць ува ўсё – і ў прывіды, і ў што хочаш”.
Пагутарыла я і з экспэртам-крыміналістам Цэнтральнага райаддзелу міліцыі Уладзімерам Белавусам, які выяжджаў па выкліку на вуліцу Хатаевіча, каб паставіць кропку ў гісторыі з прывідамі:
Белавусаў: “Я думаю, гэта ўсё выдумкі. Там дамы на знос, дык, можа, які бомж і атабарыўся. Жыхары самі казалі, што нейкі мужчына неахайнага выгляду там бегаў, ня раз быў заўважаны, камяні кідаў, стукаў у вокны. Гэта ён, відаць, і быў. Так што ўсе гэтыя прывіды, падаецца, выдумкі поўныя”.
Заяву загадвалі праверыць участковаму інспэктару Ўладзіславу Шукелю. На вуліцу Хатаевіча выяжджала таксама апэратыўна-сьледчая група з кінолягам і экспэртам-крыміналістам. Але нейкіх сьлядоў прысутнасьці здані міліцыянты не здабылі. Пабывала там і я.
Паўз выселеныя прыватныя дамы на вуліцы Хатаевіча імчаць у цэнтар гораду легкавікі ды аўтобусы. За жалезай брамай у доме №6 падае голас ня надта злосны дварняк.
У гэтыя дні на вуліцы Хатаевіча працуюць рабочыя спэцыялізаванага прадпрыемства “Палесьсе” – зносяць старыя драўляныя дамы ды шматлікія прыбудоўкі, каб пашырыць вуліцу і зьвязаць тралейбусным рухам 17-ы мікрараён з цэнтральнай часткай гораду.
Некалькі дамоў рабочыя ўжо зьнесьлі і сёньня ці заўтра пачнуць разьбіраць і дом №18, дзе нібыта й шкодзілі прывіды.
Сьлядоў прысутнасьці нейкіх зданяў ні рабочыя, ні я не заўважаем нават на чыстым сьнезе.
“Рыхтуем вуліцу пад аўтамагістраль. Пакуль зьнесьлі чатыры дамы. Бабайку ня бачылі”, – разьвесяліўся майстра Андрэй.
Вуліца носіць імя бальшавіцкага партыйнага дзеяча даваеннага часу Мэндэля Хатаевіча, рэпрэсаванага ў 1939 годзе. Таму трактарыст, схільны да прымхаў, выказвае мне сваё нечаканае меркаваньне:
Трактарыcт: “Можа быць, ходзіць дух гэтага Хатаевіча? А можа, барабашка які”?
Аднак бальшыня рабочых, што часта працуюць у гарадзкіх ламарнях, запэўніваюць мяне: няма тут нейкіх звышнатуральных зданяў.
Рабочы: “Каб пабачыў, то паверыў бы. А так – не! У Нова-Прудкоўскім завулку мы зносілі дамы, дык там бамжы жылі. Мы прыехалі, і яны сышлі”.
Жанчына з кандытарскай фабрыкі “Спартак”, што месьціцца на другім баку вуліцы Хатаевіча, жартуе наконт прывідаў:
Жанчына: “А-а, мы самі ў прывідах ужо ходзім. Можна верыць ува ўсё – і ў прывіды, і ў што хочаш”.
Пагутарыла я і з экспэртам-крыміналістам Цэнтральнага райаддзелу міліцыі Уладзімерам Белавусам, які выяжджаў па выкліку на вуліцу Хатаевіча, каб паставіць кропку ў гісторыі з прывідамі:
Белавусаў: “Я думаю, гэта ўсё выдумкі. Там дамы на знос, дык, можа, які бомж і атабарыўся. Жыхары самі казалі, што нейкі мужчына неахайнага выгляду там бегаў, ня раз быў заўважаны, камяні кідаў, стукаў у вокны. Гэта ён, відаць, і быў. Так што ўсе гэтыя прывіды, падаецца, выдумкі поўныя”.
