У Гішпаніі ў сутыкненьні двух хуткасных цягнікоў загінулі дзясяткі чалавек. ФОТА

Пад Мадрыдам у Гішпаніі сутыкнуліся два хуткасныя цягнікі, у выніку чаго загінулі больш за 60 чалавек чалавек.

Як паведаміла агенцтва AFP, рэгіянальныя ўлады паведамілі, што колькасьць ахвяр можа павялічыцца. Гэта ўжо другая маштабная катастрофа ў Гішпаніі цягам апошняга году.

На кадрах, апублікаваных мясцовымі СМІ, відаць абломкі двух цягнікоў, раскіданыя па чыгунцы і насыпу. На месцы здарэньня працуюць экстранныя службы, а шакаваныя пасажыры, ратуючыся, цягнулі за сабой свае валізкі.

Гэтая аварыя, што адбылася ў цэнтральным рэгіёне Кастылія-Ла-Манча, здарылася за месяц да датэрміновых усеагульных выбараў. Прэм’ер-міністар Пэдра Санчэс, які сутыкнуўся з жорсткай крытыкай пасьля папярэдняй катастрофы, цяпер спрабуе палепшыць свае пазыцыі, нягледзячы на неспрыяльныя вынікі сацыялягічных апытаньняў.

Крыніцы ва ўладах рэгіёну Кастылія-Ла-Манча паведамілі агенцтву AFP, што загінулі «прынамсі 30» чалавек (раней паведамлялі пра 10 ахвяр). Зьвестак пра колькасьць пацярпелых улады пакуль не паведамляюць.

Эстэр Падзілья, прадстаўніца ўраду Кастыліі-Ла-Манчы, заявіла, што «колькасьць ахвяр можа павялічыцца».

Дзейны прэм’ер Пэдра Санчэс заявіў, што «шакаваны» здарэньнем і выказаў словы салідарнасьці і падтрымку ўсім пацярпелым і іх семʼям. Ён скасаваў свой удзел у саміце па праблемах атлусьценьня ў Мадрыдзе, а яго Сацыялістычная партыя прыпыніла ўсе мерапрыемствы ў межах выбарчай кампаніі.

Словы спачуваньня паступаюць з усёй Гішпаніі і Эўропы. Гішпанскі каралеўскі двор паведаміў у сацыяльнай сетцы X, што «шакаваны і занепакоены» здарэньнем, і выказаў падтрымку пацярпелым і іх блізкім.

Прэзыдэнтка Эўрапейскай камісіі Урзуля фон дэр Ляен заявіла, што «Эўропа смуткуе» разам з пацярпелымі пасьля гэтай «жахлівай навіны», а прэзыдэнт Францыі Эмануэль Макрон выказаў «салідарнасьць» ад імя сваёй краіны.

ГЛЯДЗІЦЕ ТАКСАМА:

У Гішпаніі сутыкнуліся два хуткасныя цягнікі, загінулі 39 чалавек. Інфармацыі аб пацярпелых беларусах няма

Што папярэднічала

У апошнія гады ў сетку высакахуткасных чыгунак Гішпаніі ўкладалі велізарныя сродкі. Цяпер яна займае другое месца ў сьвеце пасьля Кітая і зьяўляецца прадметам нацыянальнага гонару.

Аднак цяперашняя аварыя адбылася пасьля яшчэ аднаго сутыкненьня двух высакахуткасных цягнікоў — у студзені каля вёскі Адамус на поўдні краіны, у выніку якога загінулі 46 чалавек. Гэта выклікала сурʼёзныя пытаньні наконт бясьпекі на гішпанскіх чыгунках.

Тая катастрофа стала самай сьмяротнай чыгуначнай аварыяй у Гішпаніі з 2013 году, калі 80 чалавек загінулі ў выніку сыходу цягніка з рэек на павароце паблізу горада Сант’яга-дэ-Кампастэла на паўночным захадзе краіны.

ГЛЯДЗІЦЕ ТАКСАМА:

Крушэньне цягніка ў Гішпаніі. Фота зь месца трагедыі

Абедзьве аварыі, што здарыліся сёлета, адбыліся на лініі, якая злучае Мадрыд з горадам Сэвільля на поўдні краіны.

Гэты маршрут — адзін з самых загружаных у краіне. Ён стаў першай высакахуткаснай лініяй у Гішпаніі, адкрытай у 1992 годзе да пачатку Усясьветнай выстаўкі ў Севільі.