«Галоўнае ў маючым адбыцца акце гуманізму — жанчына. Гэта шанец на выпраўленьне памылак і іх адкупленьне добрасумленнай працай, вяртаньне да паўнавартаснага жыцьця ў грамадзтве, захаваньне сем’яў», — адзначыла прэсавая службы Лукашэнкі.
Колькі жанчын сярод зьняволеных
Згодна з спэцыяльнага дакладчыка ААН па становішчы ў галіне правоў чалавека ў Беларусі Нілса Муйжніекса, толькі ў 2025 годзе паводле крымінальных справаў былі асуджаныя ня менш за 1254 чалавекі, у тым ліку 355 жанчын. Напрыканцы жніўня 2026 году ў месцах утрыманьня пад вартай у Беларусі знаходзіліся 889 чалавек, у тым ліку 124 жанчыны.
У сьпісах «экстрэмістаў», які налічвае ўжо амаль 7 тысяч чалавек, чацьвёртая частка — жанчыны.
Зьняволеных жанчын у Беларусі трымаюць у асноўным у Гомельскай жаночай калёніі, а жанчын-рэцыдывістак — у Рэчыцы. Агулам у Беларусі прыблізна 1400 жанчын цяпер знаходзіцца кратамі, зь іх — прыблізна 100 — палітзьняволеныя.
Законы аб амністыі ўхвальваюцца пад юбілейныя даты
У Беларусі няма агульнага закону аб амністыі.
З 2020 году, калі пачаліся жорсткія масавыя рэпрэсіі супраць апанэнтаў улады, у Беларусі падрыхтавалі і ўхвалілі чатыры законы:
2020 — закон аб амністыі да 74-годзьдзя перамогі ў вайне 1941-1945 гадоў;
2022 — закон да дня народнага адзінства, які з 2021 году адзначаюць 17 верасьня;
2024 — закон да 80-годзьдзя вызваленьня Беларусі;
2025 — закон да 80-годзьдзя перамогі ў вайне 1941-1945 гадоў.
2026 год Лукашэнка абвясьціў годам беларускай жанчыны.
Асаблівасьцю ўсіх законаў зьяўляецца тое, што ягонае дзеяньне не распаўсюджваецца на тых грамадзян, якія раней былі амніставаныя.
Форум