Паведамляецца пра асобныя чэргі пратэстнага галасаваньня ў Расеі і за мяжой.
У Ерэване чарга каля расейскай амбасады ўтварылася яшчэ раніцай. Пасьля поўдня каля будынка прайшоў антываенны мітынг.
У эмігранцкіх чатах таксама паведамляюць пра невялікую чаргу — каля двух дзясяткаў чалавек — каля расейскага дыпляматычнага прадстаўніцтва ў Рызе.
У Бэрліне каля расейскай амбасады сабраліся дзясяткі расейцаў, паведамляе выданьне «Вот Так». Каля будынка таксама праходзіць антываенная акцыя. У Мадрыдзе апоўдні каля расейскага дыпляматычнага прадстаўніцтва было ня больш за 20 чалавек.
У Расеі чаргу заўважылі на адным з выбарчых участкаў у Камунарцы, у Новай Маскве. Паводле выданьня «Агентство», на апублікаваным відэа відаць каля 50–60 чалавек.
У маскоўскім раёне Міціна чарга ўтварылася ў калідоры школы, дзе разьмешчаны выбарчы ўчастак, піша RusNews. Выданьне таксама апублікавала відэа з участку № 2643 у Мажайскім раёне Масквы. Там апоўдні прыйшло даволі шмат людзей, але вялікай чаргі не было.
Паводле інфармацыі RusNews, каля некаторых участкаў супрацоўнікі Расгвардыі рэгулююць патокі людзей і прапускаюць выбарцаў групамі.
Форум