Як піша LRT, вайскоўцы пайшлі на гэтыя захады ў адказ на неаднаразовыя ўварваньні беспілётнікаў у паветраную прастору ўсходніх краінаў NATO.
«Што да якасных зьменаў, то, як і плянавалася і абяцалася, мы ўжо замянілі нашу сыстэму блізкага радыюсу дзеяньня RBS-70 на NASAMS, і сёньня ваколіцы Вільні абароненыя значна больш эфэктыўна, з большай магутнасьцю і на большай адлегласьці», — цытуе выданьне камандуючага сухапутнымі войскамі Раймундаса Вайкшнораса.
NASAMS заменіць сыстэму блізкага радыюсу дзеяньня RBS-70, якая выкарыстоўвалася дагэтуль. Цяпер Літва мае дзьве батарэі СПА; трэцяя, як чакаецца, паступіць у 2028 годзе.
19 траўня ўкраінскі беспілётнік упершыню быў зьбіты над тэрыторыяй Эстоніі. Пазьней дроны неаднаразова заляталі на тэрыторыю Латвіі, Літвы і Эстоніі.
Кіеў ужо афіцыйна папрасіў прабачэньня ў краінаў Балтыі за беспілётнікі, якія заляцелі на іх тэрыторыю. Украінскі бок тлумачыў, што беспілётнікі залятаюць у паветраную прастору краінаў Балтыі празь дзеяньні расейскіх сыстэмаў радыёэлектроннай барацьбы.
Форум