Ужо сёньня: 6 гадоў таму знайшлі павешаным Мікіту Крыўцова, актыўнага ўдзельніка пратэстаў з Маладэчна

Дата дня

6 гадоў таму, 22 жніўня 2020 году, ў лесапарку ў раёне Парніковай вуліцы ў Менску знайшлі павешаным Мікіту Крыўцова, актыўнага ўдзельніка пратэстаў з Маладэчна. Мікіта Крыўцоў зьнік 11 жніўня 2020 году. Перад зьнікненьнем ён хадзіў на акцыі пратэсту. Паводле інфармацыі СК, ягоная сьмерць ня носіць крымінальнага характару. Сям’я Мікіты Крыўцова не пагадзілася з вэрсіяй «самагубства» і падала заяву ў Сьледчы камітэт. Пахавалі Мікіту Крыўцова на старых могілках Маладэчна.

ГЛЯДЗІЦЕ ТАКСАМА:

«Калі адчыніце труну, то пагражае крыміналка». Маці Мікіты Крыўцова расказала пра сьмерць сына

Таксама ў гэты дзень

1456 — прынцам Валахіі стаў Улад Дракула, вядомы па легендах пра вампіраў.

1485 — у бітве пры Босварце войска Генры Т’юдара перамагло войска ангельскага караля Рычарда III, сам ён загінуў у баі. Перамога паклала канец уладзе дынастыі Плантагенэтаў і адкрыла шлях дынастыі Т’юдараў.

1864 — падпісаная Першая Жэнэўская канвэнцыя аб правах параненых вайскоўцаў, якая стала адной з асноваў сучаснага міжнароднага гуманітарнага права.

1989 — камісія Вярхоўнага Савету Літоўскай ССР прызнала ўвод савецкай арміі ў краіну 15 чэрвеня 1940 году акупацыяй, далучэньне да СССР — прымусовым, а акты аб уключэньні Літвы ў СССР — незаконнымі.

1991 — пасьля правалу спробы дзяржаўнага перавароту ў СССР прэзыдэнт Міхаіл Гарбачоў, часова адхілены ад кіраваньня, вярнуўся ў Маскву; змоўшчыкаў арыштавалі.

1991 — бела-блакітна-пунсовы сьцяг абвешчаны афіцыйным нацыянальным сьцягам Расеі, дзяржаўным у РСФСР ён стане 1 лістапада.

2015 — выйшаў на волю Мікола Статкевіч, кандыдат у прэзыдэнты і палітвязень, арыштаваны пасьля выбараў 2010 году.

У гэты дзень нарадзіліся

1861 — Ігнат Буйніцкі, актор, рэжысэр, пачынальнік беларускага нацыянальнага тэатру.

1862 — Клёд Дэбюсі, францускі кампазытар.

1898 — Генрык Лаўмянскі, гісторык.

1902 — Лені Рыфэншталь, нямецкая кінарэжысэрка.

1904 — Дэн Сяопін, кітайскі дзяржаўны і партыйны дзяяч, які з канца 1970-х стаў найуплывовейшай фігурай у кіраўніцтве КНР і пры гэтым не займаў найвышэйшай дзяржаўнай пасады.

1920 — Рэй Брэдбэры, амэрыканскі пісьменьнік-фантаст.

1966 — Вольга Маёрава, грамадзкая дзяячка, асуджаная ў «справе Аўтуховіча» на 20 гадоў. У 2024 годзе ёй дадалі яшчэ 1,5 года за «непадпарадкаваньне адміністрацыі калёніі».

У памяці

1898 — Альгерд Абуховіч, беларускі паэт, перакладчык.

1922 — Майкл Колінз, ірляндзкі палітык, змагар за незалежнасьць.

1978 — Піліп Пестрак, беларускі паэт, празаік, публіцыст, крытык.

1988 — Віталь Вольскі, беларускі празаік, драматург, літаратуразнавец, краязнавец, палітычны дзяяч.