Як адзначаецца на сайце Нацыянальнага статыстычнага камітэту Беларусі, цэны на харчовыя тавары ў ліпені скараціліся на 0,3 %, але пры гэтым яны вырасьлі на 1,5 % у параўнаньні з сьнежнем 2025 году.
Цэны на нехарчовыя тавары павялічыліся на 0,8 %, а ў параўнаньні з сьнежнем 2025-га — на 2,3 %.
Цэны на паслугі вырасьлі на 0,6 % у ліпені, а ў параўнаньні з апошнім месяцам мінулага году — на 7,3 %.
Паводле плянаў ураду, сёлета інфляцыя не павінны перавысіць 7 %.
Прагноз інфляцыі ў Беларусі ад Эўразійскага банку разьвіцьця (ЭАБР) — 5,8% за год. Прырост валавога ўнутранага прадукту (ВУП) банк прагназуе на ўзроўні 1,3%, а курс беларускага рубля — 3 рублі за даляр. У ЭАБР мяркуюць, што інфляцыя ў Беларусі паскорыць імпарт ціску цэнаў з Расеі і дэфіцыт працоўных рэсурсаў.
Але гэты прагноз актуальны пры ўмове запаволеньня інфляцыі ў Расеі і працягу адміністрацыйнага рэгуляваньня цэн. Тымчасам у Расеі інфляцыя ўзмацнілася ў сувязі з паліўным крызісам.
Чаму гэта важна
Сярод прычынаў павышэньня цэнаў могуць быць павелічэньне расходаў на вытворчасьць, высокі попыт пры нястачы тавараў, падзеньне курсу нацыянальнай валюты, павелічэньне тарыфаў на лягістыку і энэрганосьбіты, падаражэньне сыравіны і дэталяў.
Усё гэта ў комплексе можа прывесьці да высокай інфляцыі, спаду аб’ёмаў продажаў, зьніжэньня прыбыткаў кампаніяў і скарачэньня інвэстыцый.
Форум