Беларускі консул працуе ў Батумі, падтрымлівае сувязь з пацярпелымі і іх сем’ямі, а таксама дапамагае з афармленьнем дакумэнтаў і арганізацыяй дастаўкі на радзіму целаў загінулых, паведамляе БЕЛТА.
Аварыя адбылася ў суботу, 25 ліпеня. Сутыкнуліся турыстычны мікрааўтобус, у якім ехала група беларусаў, і легкавы аўтамабіль. Ад удару мікрааўтобус перакуліўся, а легкавік урэзаўся ў будынак Батумскага ўнівэрсытэту мастацтваў.
Загінулі двое беларусаў — 43-гадовая жанчына і мужчына 63 гадоў, калі хуткая дапамога прыбыла на месца, яны ўжо ня жылі. Яшчэ 12 чалавек атрымалі рознай цяжкасьці траўмы. Паводле відавочцаў, удар быў настолькі моцны, што некаторыя пасажыры выпалі з салёну.
МУС Грузіі вядзе сьледзтва, каб выявіць прычыны аварыі і вінаватых у ёй.
Форум