Дата дня
25 ліпеня 1936 году нарадзіўся Леанід Левін, беларускі архітэктар, адзін з стваральнікаў мэмарыяльных комплексаў «Хатынь» і «Яма».
Быў старшынём Міжнароднай габрэйскай акадэміі мастацтва. Таксама стварыў іншыя вядомыя помнікі і комплексы на тэму Галкосту: мэмарыяльны комплекс вязьням гета ў Слуцку і мэмарыяльны комплекс загіблым габрэям у Гарадзеі і іншыя. Ёсьць помнікі, створаныя Левіным асабіста або ў калектыве аўтараў ня толькі ў Беларусі, але і ўва Ўзбэкістане, Украіне, Расеі.
Левін праектаваў таксама станцыі мэтро «Плошча Леніна» і «Няміга» ў Менску.
Памёр у 2014 годзе ў родным Менску.
Таксама ў гэты дзень
1812 — Бой пад Астроўнам. У францускай гісторыі — баі пад Віцебскам. Трохдзённыя ар’ергардныя баі расейскага войска, якое імкнулася стрымаць наступ арміі Напалеона.
1826 — у Расейскай імпэрыі выкананыя сьмяротныя прысуды празь павешаньне пяцёх лідэраў паўстаньня («декабристов»).
1828 — Iван Малышэўскi, гісторык царквы, асьветнік. У энцыкляпэдыях заўважаюць, што „быў прыхільнікам агульнаславянскага культурнага адзінства пры вядучай ролі Расеі, аднак схільнасьцяў да расейскага панславізму не выказваў“.
1853 — у Менску створана першая прафэсійная пажарная каманда.
1943 — у выніку перавароту адхілены ад улады і арыштаваны кіраўнік ураду Італіі, лідэр фашыстаў Бэніта Мусаліні.
1993 — у Лідзе адкрыты помнік Францішку Скарыну.
2004 — пасьля залевы ў Менску затапіла цэнтральныя вуліцы на месцы колішняга рэчышча Нямігі.
У гэты дзень нарадзіліся
1897 — Міхась Міцкевіч, беларускі грамадзка-культурны, рэлігійны і сьвецкі дзеяч.
1903 — Мікалай Несьцяровіч, беларускі навуковец, батанік-дэндроляг, акадэмік АН БССР.
1937 — Дзьмітры Смольскі, беларускі кампазытар, заслужаны дзеяч мастацтваў Беларусі, народны артыст Беларусі.
1945 — Ірэна Лясота (Irena Lasota), польская публіцыстка, філёзафка, грамадзкая дзяячка, адна зь лідэраў падзеяў 1968 году ў Польшчы, падтрымлівала Салідарнасьць, незалежніцкія рухі на тэрыторыі СССР, у тым ліку беларускае адраджэньне. Піша на беларускія тэмы ў ЗША і Польшчы, вяла кампанію за вызваленьне Алеся Бяляцкага.
1947 — Аляксандар Мілінкевіч, беларускі палітык, кандыдат у прэзыдэнты ад аб’яднанай апазыцыі на выбарах 2006 году.
У памяці
1934 — Нестар Махно, кіраўнік сялянскага паўстанцкага руху ва Ўкраіне, анархіст. Пахаваны ў Парыжы на могілках Пэр-Ляшэз.
1980 — Уладзімір Высоцкі, савецкі бард, паэт, актор тэатру і кіно.
1984 — памёр пісьменьнік Уладзімер Караткевіч.
1997 — Натальля Арсеньнева, паэтка й перакладчыца, палітвысланка, дзяячка паваеннай эміграцыі ў Нямеччыне й ЗША.
2001 — Дзяніс Хвастоўскі, паэт, удзельнік нацыянальна-дэмакратычнага руху 1990-х — пач. ХХІ ст.
2006 — Янка Брыль, народны пісьменьнік БССР, удзельнік нацыянальна-дэмакратычнага руху 1990-х — пач. ХХІ ст.
2015 — Васіль Лазоўскі, мастак, пэдагог, удзельнік нацыянальна-дэмакратычнага руху 1980-х — пач. ХХІ ст.