Валянціну Навумаву пакаралі сямю гадамі пазбаўленьня волі ва ўмовах агульнага рэжыму, піша «Горадзенская праваабарона». Менавіта столькі патрабаваў пракурор.
Палітзьняволеную прызналі вінаватай паводле 9 артыкулаў Крымінальнага кодэксу, у тым ліку абразу і паклёп на Лукашэнку, «садзейнічаньне экстрэмісцкай дзейнасьці» і «распальваньні сацыяльнай варожасьці».
Навумава доўгі час была сябрыняй партыі левых «Справядлівы сьвет». У 2017 годзе яе аштрафавалі на 15 базавых велічыняў у адміністрацыйнай справе за ўдзел у акцыі «недармаедаў».
Працэс пачаўся 29 чэрвеня ў Горадзенскім абласным судзе. Вёў яго судзьдзя Мікалай Рачынскі, вядомы палітычна матываванымі выракамі.
Валянціну Навумаву затрымалі 5 верасьня 2025 году. З таго часу амаль дзесяць месяцаў яна застаецца пад вартай.
