Агулам яны праплылі 52 км — без гідракасьцюмаў, толькі ў купальніках, шапачках і акулярах.
Тэмпэратура вады была 17 градусаў.
Заплыў праходзіў паводле строгіх правілаў асацыяцыі плаваньня празь Ля-Манш. Кожная ўдзельніца праводзіла ў вадзе адну гадзіну. Пасьля чаго яе зьмяняла наступная.
Да гэтага заплыву каманда рыхтавалася больш за год. Трэнаваліся ў басэйне, на літоўскіх азёрах, а таксама ў Атлянтычным акіяне ў Гішпаніі.
Удзельніцы Belarussian Swim Sisters жывуць у Літве, Вялікай Брытаніі і ЗША, працуюць у IT, эканоміцы і юрыспрудэнцыі.
Ідэя стварыць каманду зьявілася пасьля знаёмства зь літоўскімі плыўчыхамі, якія зьдзейсьнілі такі ж заплыў у 2025 годзе.
Гэта першы ў гісторыі выпадак, калі праліў Ля-Манш пераплыла цалкам беларуская жаночая эстафэтная каманда.
Ля-Манш часта называюць своеасаблівым Эвэрэстам маратонскага плаваньня.
Гэта адзін з самых складаных маршрутаў для плыўцоў. Бо ў ім нават летам халодная вада, да таго ж — моцныя плыні, непрадказальнае надвор’е, небясьпека апячыся аб мэдузаў і неабходнасьць улічваць інтэнсіўны рух караблёў.
Форум