Паводле выраку, сьпявачка, якая пасьля 2014 году зьехала ў Расею,
- сыстэматычна падтрымлівала дзяржаву-агрэсара,
- удзельнічала ў прапагандысцкай дзейнасьці,
- апраўдвала ўзброеную агрэсію супраць Украіны,
- распаўсюджвала антыўкраінскія наратывы.
У 2024 годзе ў Павалій арыштавалі зямельныя ўчасткі і нерухомасьць у Кіеўскай вобласьці, машыны, зброю, а таксама забралі правы на 9 музычных твораў.
Цяпер у сьпявачкі, якая нарадзілася ва Ўкраіне, расейскае грамадзянства.
Беларусам яна вядомая як заўсёдніца «Славянскага базару» ў Віцебску. У 1993-м яна атрымала першае ў гісторыі фэстывалю гран-пры конкурсу эстраднай песьні.
У 2019 годзе на «Славянскім базары» Аляксандар Лукашэнка уручыў Таісіі Павалій узнагароду «Праз мастацтва — да міру і ўзаемаразаменьня», а на «Алеі зорак» каля амфітэатру зьявілася пліта зь ейным імем.
У 2024 годзе Лукашэнка павіншаваў Павалій з 50-гадовым юбілеем. «Удзячныя слухачы зь цеплынёй успамінаюць Вашы выступленні на беларускай зямлі як незабыўнае сьвята», — напісаў ён.
Сёлета Таісія Павалій зноў прыедзе на «Славянскі базар» і дасьць сольны канцэрт у залі на тысячу месцаў. Амаль палову квіткоў ужо раскупілі.
Форум