Наўседа пакуль устрымліваецца ад асабістых ацэнак і заклікае пачакаць высноў праваахоўных органаў, піша LRT.
«Абвінавачванні сур'ёзныя, тым больш што абвінавачваньні накіраваныя супраць нашага эўрадэпутата, спадара Жалімаса, і таму сёньня я ўстрымаюся ад якіх-небудзь асабістых ацэнак», — заявіў Наўседа.
Ён заклікаў пачакаць, пакуль будзе завершанае расьсьледаваньне, каб убачыць, якімі будуць далейшыя крокі. Пасьля гэтага ён гатовы даць палітычную ацэнку».
Генэральная пракуратура пачала дасудовае расьсьледаваньне магчымага махлярства з фінансавай справаздачнасьцю ў дзяржаўнай установе «Teisės ir Demokratijos Centras», якую ўзначальвае Жалімас. Пакуль што падазраваных у расьсьледаваньні няма.
Дэпутат ЭП ад Літвы Пятрас Гражуліс і дэпутат Сейму Літвы Рэмігіюс Жамайтайціс (лідэр правапапулісцкай партыі «Зара Нёмана») заявілі пра магчымае незаконнае выкарыстаньне дзяржаўных і дапаможных сродкаў у 2021–2025 гадах. Гаворка ідзе пра 246 тысяч эўра падтрымкі, а звыш 30 тысяч эўра было нібыта выплачана непасрэдна Жалімасу, але ў гадавых справаздачах аб дзейнасьці «практычна не адлюстроўваецца інфармацыя аб выкарыстаньні гэтых сродкаў і выніках». Гэтыя абвінавачваньні падтрымалі былы прэтэндэнт у прэзыдэнты Беларусі Валер Цапкала і ягоны прыхільнік Дзьмітрый Балкунец.
Сам Дайніс Жалімас у пятніцу заявіў BNS, што ён абсалютна ўпэўнены, што расьсьледаваньне не выявіць нічога крымінальнага.
Менавіта дэпутат Дайніс Жалімас і «Teisės ir Demokratijos Centras» былі асноўным рухавіком падачы Літвой пазову на Аляксандра Лукашэнку ў Гаагу, у Міжнародны Крымінальны Суд.
Форум