ЗША патрабуюць, каб Тэгеран адмовіўся ад любых прэтэнзій на кампэнсацыі з боку Вашынгтона, перадаў ЗША 400 кіляграмаў узбагачанага ўрана і захаваў працу толькі аднаго ядзернага комплексу. Акрамя таго, амэрыканскі бок не гатовы размарожваць нават 25% іранскіх актываў і зьвязвае спыненьне баявых дзеяньняў у іншых краінах з ходам перамоваў.
Выкананьне гэтых патрабаваньняў не гарантуе адмовы ЗША і Ізраіля ад новых удараў па Іране, адзначае Fars.
Раней Іран таксама выставіў свае пяць умоў для аднаўленьня перамоваў. Тэгеран патрабуе спыненьня вайны, асабліва ў Лібане, зьняцьця санкцый, размарозкі актываў, кампэнсацыі ўрону і прызнаньня сувэрэнітэту Ірана над Армускай пратокай.
У пачатку траўня Іран перадаў ЗША мірны плян з 14 пунктаў. Ён прадугледжваў спыненьне баявых дзеяньняў, гарантыі ненападзеньня, зьняцьце марской блякады і вывад амэрыканскіх войскаў з рэгіёну.
Па дадзеных The Wall Street Journal, галоўным прадметам спрэчкі застаецца ядзерная праграма Ірана. ЗША настойваюць на неадкладных абавязацельствах па абмежаваньні ядзернай інфраструктуры і запасаў урану, тады як Тэгеран прапануе абмяркоўваць гэта асобна на працягу 30 дзён.
Прэзыдэнт ЗША Дональд Трамп раней назваў прапановы Ірана непрымальнымі. У Тэгеране заявілі, што рэакцыя прэзыдэнта ЗША не мае ніякага значэньня.
Форум