Гаворка ідзе пра сальватарыянца ксяндза Станіслава Мжыглуда — шматгадовага пробашча парафіі Нараджэньня Найсьвяцейшай Панны Марыі ў Браславе; салетынца ксяндза Зянона Шчанхора, які служыў у Беларусі больш за 35 гадоў і апошнім часам быў вікарыем парафіі ў Відзах; а таксама францішканца айца Вальдэмара Куяву — вікарыя парафіі Беззаганнага Зачацьця Найсьвяцейшай Панны Марыі ў вёсцы Удзела Глыбоцкага раёна.
Як адзначаецца, сьвятары будуць вымушаныя пакінуць краіну ўжо ў траўні 2026 года. Такое рашэньне прыняў упаўнаважаны па справах рэлігій і нацыянальнасьцяў.
Разам з тым, некаторыя іншыя польскія сьвятары атрымалі дазвол на працяг служэньня ў Віцебскай дыяцэзіі на бліжэйшыя паўгоду.
Раней паведамлялася, што яшчэ двое польскіх сьвятароў у Пінскай дыяцэзіі таксама не атрымалі дазволу ўладаў на далейшае служэньне і былі вымушаныя пакінуць Беларусь.
Форум