«Сорак гадоў таму Чарнобыльская катастрофа назаўжды зьмяніла ўяўленьне сьвету пра ядзерную бясьпеку. Мы памятаем загінулыя жыцьці і шануем неверагодную мужнасьць першых ліквідатараў і нявінных людзей ва Ўкраіне, Беларусі, Расеі і іншых краінах, якія сутыкнуліся з гэтай трагедыяй сам-на-сам і працягваюць змагацца зь яе наступствамі сёньня», — заявілі ў Дзяржаўным дэпартамэнце ЗША.
Злучаныя Штаты адзначылі, што іхная краіна тады адрэагавала на здарэньне, дапамагаючы ў ліквідацыі наступстваў катастрофы і лякалізацыі аб’екту. Таксама там заявілі, што й сёньня працягваюць надаваць перавагу ядзернай бясьпецы на аб’екце і ва ўсім сьвеце.
«Гэтая катастрофа прымусіла нас і нашых партнэраў стварыць больш моцныя міжнародныя стандарты і лепшыя пратаколы бясьпекі, якія абараняюць супольнасьці ва ўсім сьвеце. Атамная энэргетыка павінна заставацца ў адказных руках, прыхільных празрыстасьці. Злучаныя Штаты зьяўляюцца лідэрам у забесьпячэньні бясьпекі, надзейнасьці і бясьпекі ядзернай энэргетыкі ў будучыні», — адзначыла амэрыканскае ведамства ў сваёй заяве.
Форум