Як паведамілі Свабодзе ў Крымскататарскім рэсурсным цэнтры, Аляксея доўгі час трымалі ў ШЫЗА.
Яго затрымалі 8 траўня 2024 году, імаверна, у Севастопалі паводле падазрэньня ў перадачы ўкраінскім спэцслужбам інфармацыі аб месцах дысьлякацыі і перамяшчэньня падразьдзелаў, узбраеньня і спэцыяльнай тэхнікі Ўзброеных сілаў Расеі, а таксама ў «неляяльным стаўленьні да палітыкі Расеі». Вырак вынес Севастопальскі суд.
Паводле Крымскататарскага рэсурснага цэнтру, па затрыманьні яму прызначылі амбуляторнае прымусовае назіраньне і лячэньне ў псыхіятра, а ў выраку не было канкрэтных абвінавачаньняў.
«Пастанавілі, што Аляксей мог перадаць, мог нашкодзіць і яшчэ шмат „мог бы“, за што, уласна, і пазбавілі чалавека волі», — адзначылі ў цэнтры.
Форум