Чэргі на выезд зь Беларусі ў Польшчу імкліва растуць. Цяпер у Берасьці, паводле зьвестак Дзяржаўнага памежнага камітэту (ДПК) Беларусі, чакаюць амаль 1000 легкавікоў і 50 аўтобусаў. У электроннай чарзе ў Берасьці кіроўцы чакаюць сваёй чаргі больш за двое содняў.
Пасажырскія аўтобусы зноў праводзяць на межах содні. Каля 20 гадзінаў трэба, каб прайсьці мяжу ў Берасьці.
Як падаваў ДПК, на 10:00 выезду ў Польшчу чакалі 925 легкавікоў, а таксама 43 аўтобусы.
Тэлеграм-старонкі паведамляюць, што кіроўцы аўтобусаў пускаюць людзей на падсадку, што дазваляе пасажырам заашчадзіць час.
Чарга ў Брузгах значна меншая — 43 легкавікі. У Бераставіцы чэргаў няма.
Таксама няма чэргаў у пунктах пропуску на мяжы зь Літвой і Латвіяй. Такая ж сытуацыя на ўезьдзе ў Беларусь з краінаў Эўразьвязу.
Форум