«Сёньня ўначы расейцы спрабавалі мяне забіць. Выпусьцілі на мяне 4 рэактыўныя „шахеды“. Адзін кіраваны рэактыўны „шахед“ даляцеў і ўрэзаўся ў сьцяну майго дому. Дому ў мяне больш няма», — паведаміў Сяргей Бяскрэснаў на сваёй старонцы ў Facebook.
Сяргея Бяскрэснава шпіталізавалі з раненьнямі. «Мяне зачапіла, але галоўнае — я цудам жывы. Я быў гатовы да такога разьвіцьця падзеяў, і гэта мяне ня спыніць», — адзначыў ён.
Раніцай 20 красавіка ўлады Кіеўскай вобласьці паведамілі, што ўначы ў выніку пацэльваньня расейскага дрону пашкоджаныя два прыватныя дамы.
18 красавіка Сяргей Бяскрэснаў заявіў, што расейскія войскі для кіраваньня сваімі дронамі пры ўдарах па Ўкраіне карыстаюцца роўмінгам ад мабільных апэратараў Беларусі, Румыніі і Польшчы.
Форум