Дзясяткі гуманоідных робатаў кітайскай вытворчасьці абагналі бегуноў-людзей на паўмаратоне ў Пэкіне 19 красавіка, паведамляе брытанскае выданьне The Guardian.
Летась на такім паўмаратоне большасьць робатаў не змагла фінішаваць, і нават найлепшы вынік робата значна саступаў паказьнікам людзей-пераможцаў.
Сёлета колькасць робатаў, якія ўдзельнічалі ў забегу, павялічылася з 20 да больш чым 100. Робаты і людзі беглі па паралельных дарожках, каб пазьбегнуць сутыкненьняў.
Робат-пераможца, распрацаваны вядомым кітайскім вытворцам смартфонаў Honor, фінішаваў у забегу за 50 хвілін 26 сэкунд, што на некалькі хвілін хутчэй за сусьветны рэкорд, усталяваны Джэйкабам Кіплімам у мінулым месяцы ў Лісабоне. Аднак пры гэтым людзі дапамаглі гуманоіду завяршыць забег. Ён урэзаўся ў парэнчы ўсяго за некалькі мэтраў ад фінішу і яго давялося вяртаць на дарожку.
Нягледзячы на тое, што эканамічна каштоўнае выкарыстаньне гуманоідных робатаў застаецца на стадыі выпрабаваньняў, цяперашні маратон паказаў іх патэнцыял у розных сфэрах — ад небясьпечных работ да баявых дзеяньняў, піша The Guardian.
Форум