Журналісты дасьледчага праекту расейскай службы Радыё Свабода «Сыстэма» прааналізавалі спадарожнікавыя здымкі. Паводле атрыманых дадзеных будаўніцтва адразу сямі новых вежаў для «Панцыраў» пачалося ў адзін дзень — 17 сакавіка. Некаторыя з іх ужо аснашчаны зэнітна-ракетнымі комплексамі.
Як і вежы з «Панцырамі» вакол Масквы, сыстэмы СПА на Валдаі разьмешчаны вакол рэзыдэнцыі Пуціна двума кольцамі вялікага і малога дыямэтра.
Раней Радыё Свабода таксама выявіла, што больш за 20 вежаў з буйнакалібэрнымі кулямётамі, а таксама некалькі подыумаў з зэнітна-ракетным комплексам «Панцыр» збудаваны на тэрыторыі і па пэрымэтры асаблівай эканамічнай зоны «Алабуга» ў Татарстане. Там Расея вырабляе бесьпілётнікі «Герань» — мадыфікаваныя вэрсіі іранскіх «Шагедаў».
Форум